ബജറ്റിലെ അപ്രതീക്ഷിത പ്രഖ്യാപനത്തില്‍ സ്വര്‍ണത്തിന് നഷ്ടം ₹10.7 ലക്ഷം കോടി, തിരിച്ചടി ഇന്ത്യന്‍ കുടുംബങ്ങള്‍ക്ക്
30,000 ടണ്‍ സ്വര്‍ണമാണ് ഇന്ത്യന്‍ കുടുംബങ്ങളിലും ക്ഷേത്രങ്ങളിലുമായി സൂക്ഷിച്ചിരിക്കുന്നത്
Image : Canva
ഇക്കഴിഞ്ഞ കേന്ദ്ര ബജറ്റില്‍ ധനമന്ത്രി നിര്‍മല സീതാരാമന്‍ സ്വര്‍ണത്തിന്റെ കസ്റ്റംസ് തീരുവ 15 ശതമാനത്തില്‍ ആറ് ശതമാനമായി കുറച്ചതു വഴി വിപണിക്കുണ്ടായത് വന്‍ നഷ്ടം. ഇന്ത്യന്‍ കുടുംബങ്ങളില്‍ 30,000 ടണ്‍ സ്വര്‍ണം ഉണ്ടെന്നാണ് കണക്കാക്കുന്നത്. ധനമന്ത്രിയുടെ പ്രഖ്യാപനത്തിനു ശേഷം എം.സി.എക്‌സില്‍ സ്വര്‍ണ വില 5 ശതമാനം കുറഞ്ഞു. പത്ത് ഗ്രാമിന് 72,875 രൂപയുണ്ടായിരുന്നത് 69,296 രൂപയിലെത്തി. ഇതോടെ ഇന്ത്യയിലെ സ്വര്‍ണ ശേഖരത്തിന്റെ മൂല്യത്തില്‍ ഒറ്റ ദിവസം കൊണ്ട് 10.7 ലക്ഷം കോടി രൂപയുടെ നഷ്ടമാണുണ്ടായത്.
ഓഹരി വിപണിയുമായി താരതമ്യം ചെയ്യുമ്പോള്‍ ഇതു വരെ രേഖപ്പെടുത്തിയതില്‍ ഏറ്റവും വലിയ ആറാമത്തെ വലിയ തകര്‍ച്ചയാണിത്.
അതേസമയം, സ്വര്‍ണത്തിന്റെ വിലയിലുണ്ടാകുന്ന കുറവ് സ്വര്‍ണവായ്പകളെ ബാധിക്കില്ലെന്നും നിലവിലുള്ള വായ്പകളില്‍ മാറ്റം വരുത്തേണ്ടതില്ലെന്നുമാണ് മണപ്പുറം ഫിനാന്‍സ് സി.ഇ.ഒ വി.പി. നന്ദകുമാര്‍ എക്‌സില്‍ കുറിച്ചത്.