നിറ്റ ജെലാറ്റിന്‍ മാനേജിംഗ് ഡയറക്ടര്‍ ഫിലിപ്പ് ചാക്കോ എം രാജിവച്ചു
പദവിയേറ്റെടുത്ത് ഒരുവര്‍ഷം മാത്രം കഴിയവേ അപ്രതീക്ഷിതമായി രാജി
കൊച്ചി ആസ്ഥാനമായി പ്രവര്‍ത്തിക്കുന്ന പ്രമുഖ വ്യാവസായിക/ഫാര്‍മ കെമിക്കല്‍ അസംസ്‌കൃത വസ്തുനിര്‍മ്മാതാക്കളായ നിറ്റ ജെലാറ്റിന്റെ (Nitta Gelatin) മാനേജിംഗ് ഡയറക്ടര്‍ ഫിലിപ്പ് ചാക്കോ എം രാജിവച്ചു. സ്‌റ്റോക്ക് എക്‌സ്‌ചേഞ്ചുകള്‍ക്ക് ഇന്ന് (മെയ് 19) അയച്ച കത്തിലാണ് കമ്പനി ഇക്കാര്യം വ്യക്തമാക്കിയത്. വിശദാംശങ്ങള്‍ ഡയറക്ടര്‍ ബോര്‍ഡ് ചേര്‍ന്നശേഷം പിന്നീട് പുറത്തുവിടുമെന്നും കമ്പനി അറിയിച്ചിട്ടുണ്ട്.
കഴിഞ്ഞവര്‍ഷം ഏപ്രിലിലാണ് ഫിലിപ്പ് ചാക്കോ എം നിറ്റ ജെലാറ്റിന്റെ മാനേജിംഗ് ഡയറക്ടറായി ചുമതലയേറ്റത്. മൂന്നുവര്‍ഷത്തേക്കായിരുന്നു നിയമനം. പദവിയേറ്റെടുത്ത് ഒരുവര്‍ഷം മാത്രം പൂര്‍ത്തിയായിരിക്കേയാണ് അപ്രതീക്ഷിത രാജി. കൂടുതല്‍ മെച്ചപ്പെട്ട അവസരം മറ്റൊരു കമ്പനിയില്‍ നിന്ന് ലഭിച്ച പശ്ചാത്തലത്തിലാണ് രാജിയെന്ന് കമ്പനിയോട് അടുത്ത വൃത്തങ്ങള്‍ 'ധനത്തോട്' വ്യക്തമാക്കി.
26 വർഷത്തെ അനുഭവ സമ്പത്ത്
മികച്ച പ്രവര്‍ത്തനഫലം
കഴിഞ്ഞ സാമ്പത്തിക വര്‍ഷം (2022-23) നിറ്റ ജെലാറ്റിന്‍ 73.89 കോടി രൂപ ലാഭം നേടിയിരുന്നു. മുന്‍വര്‍ഷത്തെ (2021-22) 34.84 കോടി രൂപയേക്കാള്‍ ഇരട്ടിയോളമാണ് വളര്‍ച്ച. മൊത്തം വരുമാനം 510.55 കോടി രൂപയില്‍ നിന്ന് 566.18 കോടി രൂപയായും വര്‍ദ്ധിച്ചു.