ശനിയാഴ്ചയിലെ വിലയില്‍ നിന്ന് മാറ്റമില്ലാതെ സ്വര്‍ണം

മാറ്റമില്ലാതെ കേരളത്തിലെ സ്വര്‍ണ വില. ഒരു പവന്‍ 22 കാരറ്റ് സ്വര്‍ണത്തിന് 43,720 രൂപയും ഗ്രാമിന് (one gram gold price) 5,465 രൂപയുമാണ് ഇന്നത്തെ വില.

തുടര്‍ച്ചയായ ഇടിവിനു ശേഷം ശനിയാഴ്ച നേരിയ ഉയര്‍ച്ച കാണിച്ച സ്വര്‍ണ വിലയാണ്  ഇന്ന് മാറാതെ നില്‍ക്കുന്നത്. ശനിയാഴ്ച 80 രൂപയുടെ വര്‍ധനയാണ് പവന് ഉണ്ടായത്.

ആഗോള വിപണിയില്‍ സ്‌പോട്ട് സ്വര്‍ണ വില നിലവിൽ 1,912 ഡോളറിലാണ്.

18 കാരറ്റ് സ്വര്‍ണത്തിനും വിലയില്‍ മാറ്റമില്ല. ഗ്രാമിന് ഇന്ന് 4,528 രൂപയാണ്.

കേരളത്തില്‍ ഇതുവരെയുള്ള റെക്കോഡ് സ്വര്‍ണ വില പവന് 45,760 രൂപ എന്നതാണ്. മേയ് അഞ്ചിലെ വിലയാണ് ഇത്. അന്ന് ഗ്രാമിന് 5,720 രൂപയായിരുന്നു.

താഴ്ചയില്‍ തുടര്‍ന്ന് വെള്ളി വില

വെള്ളി വിലയില്‍ കഴിഞ്ഞ നാല് ദിവസമായി മാറ്റമില്ല. പത്ത് രൂപയുടെയടുത്ത് കുറഞ്ഞിട്ടാണ് ഈ ആഴ്ച വില മാറ്റമില്ലാതെ നില്‍ക്കുന്നത്. സാധാരണ വെള്ളിക്ക് 77 രൂപയും ആഭരണങ്ങള്‍ക്കായി ഉപയോഗിക്കുന്ന ഹോള്‍മാര്‍ക്ക്ഡ് വെള്ളിക്ക് ഗ്രാമിന് 103 രൂപയുമാണ് വില.