സ്വര്‍ണം വീണ്ടും ഓട്ടം തുടങ്ങി, ഇന്നും വിലക്കയറ്റം

സ്വര്‍ണം വീണ്ടും കയറ്റത്തില്‍. ശനിയാഴ്ച പവന് 120 രൂപ ഉയര്‍ന്ന സ്വര്‍ണ വില (kerala gold rate)ഇന്ന് വീണ്ടും ഉയര്‍ന്ന് 44,240 രൂപയായി. 80 രൂപയാണ് ഇന്നത്തെ വര്‍ധന. ആഗോള സ്വര്‍ണ വിപണിയില്‍ (world gold price)വില ചാഞ്ചാട്ടം തുടരുകയാണ്. ഇന്ന് സ്‌പോട്ട് സ്വര്‍ണം 1,945 ഡോളറിലാണ് നില്‍ക്കുന്നത്. ശനിയാഴ്ച 1,940 ഡോളറിലായിരുന്നു. 

കേരളത്തിൽ ഇന്ന് ഗ്രാമിന് (22 കാരറ്റ്)10 രൂപ വര്‍ധിച്ച് 5,530 രൂപയിലാണ് നില്‍ക്കുന്നത്. 18 കാരറ്റ് സ്വര്‍ണ വിലയിലും നേരിയ വര്‍ധനയുണ്ടായി. ഗ്രാമിന് ഇന്ന് 5 രൂപ കൂടി 4,578 രൂപയായി.

സ്വര്‍ണ റെക്കോഡ്

സ്വര്‍ണത്തിന് കേരളത്തിലെ റെക്കോഡ് റേറ്റായി നില്‍ക്കുന്നത് മെയ് അഞ്ചിലെ വിലയാണ്, പവന് 45,760 രൂപയും ഗ്രാമിന് 5,720 രൂപയുമായിരുന്നു അന്നത്തെ സ്വര്‍ണവില.

വെള്ളി വില

ഏതാനും ദിവസങ്ങളായി വെള്ളി വിലയില്‍ മാറ്റമില്ല. സാധാരണ വെള്ളിക്ക് 80 രൂപയും ഹോള്‍മാര്‍ക്ക്ഡ് വെള്ളിക്ക് 103 രൂപയുമാണ് ഇന്നത്തെ വില.