നിഫ്റ്റി ഹ്രസ്വകാല ശരാശരിക്ക് താഴെ, സൂചകങ്ങള്‍ നെഗറ്റീവ്; ഇന്‍ട്രാഡേ പിന്തുണ 25,200

നിഫ്റ്റി 546.80 പോയിൻ്റ് (2.21%) ഇടിഞ്ഞ് 25,250.10 ലാണ് ക്ലോസ് ചെയ്തത്. 25,200 എന്ന ഇൻട്രാഡേ സപ്പോർട്ട് ലെവലിന് താഴെ സൂചിക നീങ്ങിയാൽ താഴേയ്ക്കുള്ള പക്ഷപാതം തുടരും.

നിഫ്റ്റി താഴ്ന്ന് 25,452.80 ൽ വ്യാപാരം ആരംഭിച്ചു. രാവിലെ 25,639.40ൽ ഇൻട്രാഡേ ഉയർന്ന നിലവാരം പരീക്ഷിച്ചു. തുടർന്ന് സൂചിക കുത്തനെ ഇടിഞ്ഞ് ഇൻട്രാഡേയിലെ ഏറ്റവും താഴ്ന്ന നിലയായ 25,230.30 ൽ എത്തി. 25,250.10 ൽ ക്ലോസ് ചെയ്തു. എല്ലാ മേഖലകളും നഷ്ടത്തിൽ അവസാനിച്ചു.

റിയൽ എസ്റ്റേറ്റ്, ഓട്ടോ, സ്വകാര്യ ബാങ്കുകൾ, ധനകാര്യ സേവനങ്ങൾ എന്നിവയാണ് കൂടുതൽ നഷ്ടം നേരിട്ടത്. 512 ഓഹരികൾ ഉയർന്നു, 2079 ഓഹരികൾ ഇടിഞ്ഞു, 142 എണ്ണം മാറ്റമില്ലാതെ തുടർന്നു. വിശാലവിപണി നെഗറ്റീവ് ആയിരുന്നു.

നിഫ്റ്റിക്ക് കീഴിൽ ഏറ്റവും കൂടുതൽ നേട്ടമുണ്ടാക്കിയത് ജെഎസ്ഡബ്ല്യു സ്‌റ്റീൽ, ഒഎൻജിസി എന്നിവയാണ്, ഏറ്റവും കൂടുതൽ നഷ്ടം ബിപിസിഎൽ, ശ്രീറാം ഫിനാൻസ്, എൽ ആൻഡ് ടി, ആക്സിസ് ബാങ്ക് എന്നിവയ്ക്കാണ്.

മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു. നിഫ്റ്റി ഹ്രസ്വകാല മൂവിംഗ് ശരാശരിക്ക് താഴെ ക്ലോസ് ചെയ്തു. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽ സ്റ്റിക്ക് രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഇവയെല്ലാം സൂചിപ്പിക്കുന്നത് ആക്കം കരടികൾക്ക് അനുകൂലമായി തുടരുന്നു എന്നാണ്. സൂചികയ്ക്ക് 25,200 ലെവലിൽ ഇൻട്രാഡേ പിന്തുണയുണ്ട്. സൂചിക ഈ നിലവാരത്തിന് താഴെയാണ് നീങ്ങുന്നതെങ്കിൽ ഇന്ന് നെഗറ്റീവ് ട്രെൻഡ് പ്രതീക്ഷിക്കാം. 25,300 ലെവലിലാണ് ഏറ്റവും അടുത്തുള്ള ഇൻട്രാഡേ പ്രതിരോധം. ഒരു പുൾബാക്ക് റാലിക്ക്, സൂചിക ഈ നില മറികടക്കേണ്ടതുണ്ട്.

ഇൻട്രാഡേ ലെവലുകൾ:

പിന്തുണ 25,200 -25,100 -25,000

പ്രതിരോധം 25,300 -25,400 -25,500

(15-മിനിറ്റ് ചാർട്ടുകൾ).

പൊസിഷണൽ ട്രേഡിംഗ്:

പിന്തുണ 24.800 -24,100

പ്രതിരോധം 25,500 -26,275.

ബാങ്ക് നിഫ്റ്റി 

 ബാങ്ക് നിഫ്റ്റി 1077.40 പോയിൻ്റ് നഷ്ടത്തിൽ 51,845.20 ൽ ക്ലോസ് ചെയ്തു. മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു, സൂചിക അതിൻ്റെ ഹ്രസ്വകാല മൂവിംഗ് ശരാശരിക്ക് താഴെയാണ്. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി മുൻ ദിവസത്തെ ക്ലോസിംഗിനു താഴെ

ക്ലോസ് ചെയ്തു. ഈ പാറ്റേൺ താഴേക്കുള്ള പക്ഷപാതത്തിൻ്റെ തുടർച്ച സൂചിപ്പിക്കുന്നു. സൂചികയ്ക്ക് 51,675 ൽ ഇൻട്രാഡേ പിന്തുണയുണ്ട്, പ്രതിരോധം 52,000 ലാണ്. സൂചിക 51,675 എന്ന ഇൻട്രാഡേ സപ്പോർട്ട് ലെവലിന് താഴെയാണ് നീങ്ങുന്നതെങ്കിൽ, ഇന്ന് കൂടുതൽ തിരിച്ചടി പ്രതീക്ഷിക്കാം. ഇൻട്രാഡേ റെസിസ്റ്റൻസ് 52,000-ന് മുകളിൽ ഇൻഡെക്സ് ട്രേഡ് ചെയ്തു നിലനിർത്തിയാൽ ഒരു പുൾബാക്ക് റാലി പ്രതീക്ഷിക്കാം.

ഇൻട്രാഡേ ട്രേഡേഴ്‌സിന്

സപ്പോർട്ട് 51,675 -51,425 -51,150 പ്രതിരോധം 52,000 -52,250 -52,500

(15 മിനിറ്റ് ചാർട്ടുകൾ).

പൊസിഷനൽ ട്രേഡർമാർക്ക്

പിന്തുണ 51,700 -50,400

പ്രതിരോധം 52,800 -54,350.