ഓഹരി വിപണി: സാങ്കേതിക വിശകലനം

സാങ്കേതിക വിശകലനം

ഒക്ടോബർ 18ലെ മാർക്കറ്റ് ക്ലോസിംഗിനെ അടിസ്ഥാനമാക്കി

നിഫ്റ്റി സാങ്കേതിക വീക്ഷണം

ഹ്രസ്വകാല പ്രവണത:പോസിറ്റീവ് ചായ്‌വ്

നിഫ്റ്റി 175.15 പോയിന്റ് (1.01%) ഉയർന്ന് 17486.95-ൽ ക്ലോസ് ചെയ്തു. നിഫ്റ്റി രാവിലെ നേട്ടത്തോടെ 17486.90 ലാണ് വ്യാപാരം ആരംഭിച്ചത്. ഈ പോസിറ്റീവ് ആക്കം സെഷനിലുടനീളം തുടരുകയും 17527.80 എന്ന ഇൻട്രാഡേ ഉയരത്തിൽ എത്തുകയും ചെയ്തു. എല്ലാ മേഖലകളും പോസിറ്റീവ് ചായ് വിൽ ക്ലോസ് ചെയ്തു. പൊതുമേഖലാ ബാങ്കുകൾ, മീഡിയ, റിയൽറ്റി, ഓട്ടോ എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ. വിശാല മാർക്കറ്റ് പോസിറ്റീവ് ആയിരുന്നു, 1312 ഓഹരികൾ ഉയർന്നു, 806 ഇടിഞ്ഞു, 188 മാറ്റമില്ലാതെ തുടർന്നു.

മൊമെന്റം സൂചികകളും മൂവിംഗ് ശരാശരികളും പോസിറ്റീവ് പ്രവണതയെ സൂചിപ്പിക്കുന്നു. സൂചിക പ്രതിദിന ചാർട്ടിൽ വെളുത്ത മെഴുകുതിരി രൂപപ്പെടുത്തുകയും മുമ്പത്തെ മെഴുകുതിരിയുടെ ഉയർന്ന ലെവലിനു മുകളിൽ ക്ലോസ് ചെയ്യുകയും ചെയ്തു. ഈ ഘടകങ്ങൾ കൂടുതൽ കയറ്റസാധ്യത സൂചിപ്പിക്കുന്നു. സൂചികയുടെ ഇൻട്രാഡേ പ്രതിരോധം 17,530-ൽ ആണ്. 17,430-ൽ പിന്തുണ ഉണ്ട്. ഇവയിൽ ഏതെങ്കിലും ഭേദിക്കുന്നത് ഇന്നത്തെ ദിശയെ നിർണ്ണയിക്കും. ഹ്രസ്വകാലത്തേക്ക് 18,000 അടുത്ത പ്രതിരോധ നിലയായിരിക്കും. ഹ്രസ്വകാല പിന്തുണ 17,300 ആയി തുടരുന്നു.

പിന്തുണ- പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 17435 -17375-17320

റെസിസ്റ്റൻസ് ലെവലുകൾ 17530-17600-17675 (15 മിനിറ്റ് ചാർട്ടുകൾ)

യൂറോപ്യൻ, യുഎസ് വിപണികൾ പോസിറ്റീവ് ചായ് വോടെയാണ് അവസാനിച്ചത്. ഏഷ്യൻ വിപണികളും നേട്ടത്തിലാണ് വ്യാപാരം നടത്തുന്നത്. രാവിലെ എസ്‌ജിഎക്‌സ് നിഫ്റ്റി 17,522 എന്ന നിലയിലാണ്. നിഫ്റ്റി ഇന്ന് നേട്ടത്തോടെ വ്യാപാരം തുടങ്ങാം.

വിദേശ നിക്ഷേപകർ അറ്റ ​​വിൽപ്പനക്കാരായിരുന്നു (153.40 കോടി), ഡിഐഐകൾ 2,084.71കോടി രൂപയ്ക്ക് ഓഹരികൾ വാങ്ങി.

ബാങ്ക് നിഫ്റ്റി

ഹ്രസ്വകാല പ്രവണത: പോസിറ്റീവ് ചായ് വ്

ബാങ്ക് നിഫ്റ്റി 828 പോയിന്റ് ഉയർന്ന് 39,920.45 ലാണ് ക്ലോസ് ചെയ്തത്. പ്രതിദിന ചാർട്ടിൽ, മൊമെന്റം സൂചകങ്ങളും ഹ്രസ്വകാല മൂവിംഗ് ശരാശരികളും പോസിറ്റീവ് ചായ്‌വ് സൂചിപ്പിക്കുന്നു. നീണ്ട വെളുത്ത മെഴുകുതിരി രൂപപ്പെടുകയും മുൻ പ്രതിരോധമായ 39,300 ന് മുകളിൽ ക്ലോസ് ചെയ്യുകയും ചെയ്തു. ഇതെല്ലാം കൂടുതൽ ഉയർച്ചയുടെ സാധ്യത സൂചിപ്പിക്കുന്നു. അടുത്ത ഹ്രസ്വകാല പ്രതിരോധം 40,600 ലെവലിലാണ്.

പിന്തുണ -പ്രതിരോധ നിലകൾ

സപ്പോർട്ട് ലെവലുകൾ 39800-39600-39400

റെസിസ്റ്റൻസ് ലെവലുകൾ- 40,000-40200-40400(15 മിനിറ്റ് ചാർട്ടുകൾ)

ഓഹരി വിശകലനം

പിഐ ഇൻഡസ്ട്രീസ്

(PIIND)

ഡെയ്‌ലി ചാർട്ടിൽ സ്റ്റോക്ക്, ക്ലോസ് ചെയ്തത് 3065-ന്റെ പ്രതിരോധത്തിനു തൊട്ടുമുകളിലാണ്. ഈ നിലവാരത്തിന് മുകളിൽ ട്രേഡ് ചെയ്യുകയാണെങ്കിൽ പോസിറ്റീവ് ട്രെൻഡ് തുടരാം.

സ്റ്റോക്ക് 3504 ൽ നിന്ന് 2950 ലേക്ക് തിരുത്തിയതായി ഡെയ്‌ലി ചാർട്ട് കാണിക്കുന്നു. അതിനുശേഷം, 2950-3065 എന്ന വ്യാപാരപരിധിയിൽ സമാഹരണത്തിലായിരുന്നു. കഴിഞ്ഞ ദിവസം 3065 ന് മുകളിൽ ക്ലോസ് ചെയ്തു. ഇതോടെ സമീപകാലത്തെ ഡൗൺ ചാനൽ പാറ്റേണിൽ നിന്ന് പുറത്തുകടന്നു. ആക്ക സൂചകങ്ങൾ ഉയർച്ച പ്രവണത സൂചിപ്പിക്കുന്നു. സ്റ്റോക്ക് 3065 നു മുകളിൽ വ്യാപാരം ചെയ്തു നിലനിന്നാൽ വരും ദിവസങ്ങളിലും ബുള്ളിഷ് ആക്കം തുടരാം. 3300-3400 ലെവലിൽ പ്രതിരോധമുണ്ട്.

Disclaimer: ഈ റിപ്പോർട്ട് വിദ്യാഭ്യാസ ആവശ്യങ്ങൾക്ക് മാത്രമുള്ളതാണ്. ഏതെങ്കിലും നിക്ഷേപമോ വ്യാപാര തീരുമാനങ്ങളോ എടുക്കുന്നതിന് മുമ്പ്, വായനക്കാർ ഡാറ്റയും കമ്പനി കാര്യങ്ങളും വ്യക്തിപരമായി പരിശോധിക്കുകയാേ സ്വന്തം സാമ്പത്തിക ഉപദേഷ്ടാവിൻ്റെ ഉപദേശം തേടുകയോ ചെയ്യണം.

സാങ്കേതിക വിശകലന പദാവലി

മെഴുകുതിരി വിശകലനം 9

(Candlestick Analysis 9)

ഗ്രേവ്സ്റ്റോൺ ഡോജി

(Gravestone Doji candlestick Pattern)

തുടക്ക വിലയും താഴ്ന്ന വിലയും ക്ലോസിംഗും വിലകൾ അടുത്തു നിൽക്കുകയും മുകളിൽ നീണ്ട നിഴൽ ഉണ്ടാവുകയും ചെയ്യുമ്പോൾ രൂപപ്പെടുന്ന ഒരു ബെയറിഷ് റിവേഴ്‌സൽ പാറ്റേണാണ് ഗ്രേവ്‌സ്റ്റോൺ ഡോജി. ഒരു കയറ്റത്തിൻ്റെ തുടർച്ചയായി ഈ പാറ്റേൺ വരുന്നത് താഴ്ചയിലേക്കുള്ള സൂചന നൽകുന്നു. സെഷന്റെ തുടക്കത്തിലെ ബുള്ളിഷ് മുന്നേറ്റം സെഷന്റെ അവസാനത്തോടെ കരടികൾ മറികടന്നുവെന്ന് മുകളിലെ നീണ്ട നിഴലുകൾ സൂചിപ്പിക്കുന്നു. പലപ്പോഴും ദീർഘകാല ബെയറിഷ് പ്രവണതയ്ക്ക് തൊട്ടുമുമ്പ് ഉണ്ടാകുന്നതാണ് ഇത്. ഈ ഡോജി പാറ്റേണിനെ അടിസ്ഥാനമാക്കി ഒരു ബെയറിഷ് റിവേഴ്സൽ ഉണ്ടാകാൻ സാധ്യതയുണ്ട്. ഈ പാറ്റേൺ ഒരു ബുള്ളിഷ് പൊസിഷനിൽ ലാഭം എടുക്കുന്നതിനോ അല്ലെങ്കിൽ ഒരു ബെയറിഷ് പൊസിഷനിൽ പ്രവേശിക്കുന്നതിനോ ഉപയോഗിക്കാം.

നാളെ: ഡ്രാഗൺഫ്ലൈ ഡോജി മെഴുകുതിരി.