ഓഹരി വിപണി: സാങ്കേതിക വിശകലനം

സാങ്കേതിക വിശകലനം

ഒക്ടോബർ 20-ലെ മാർക്കറ്റ് ക്ലോസിംഗിനെ അടിസ്ഥാനമാക്കി

നിഫ്റ്റി സാങ്കേതിക വീക്ഷണം

ഹ്രസ്വകാല പ്രവണത: പോസിറ്റീവ് ചായ്‌വ്

നിഫ്റ്റി 51.70 പോയിന്റ് (0.30%) ഉയർന്ന് 17,563.95-ൽ ക്ലോസ് ചെയ്തു. 17,423.10ൽ താഴ്ചയോടെ വ്യാപാരം ആരംഭിച്ച് ക്രമേണ ഉയർന്ന് 17,584.20 എന്ന ദിവസത്തെ ഉയർന്ന നിലവാരം പരീക്ഷിക്കുകയും ഒടുവിൽ 17,563.95 ൽ ക്ലോസ് ചെയ്യുകയുമായിരുന്നു. പൊതുമേഖലാ ബാങ്കുകൾ, ഐടി, ലോഹങ്ങൾ, എഫ്എംസിജി എന്നിവ മികച്ച നേട്ടമുണ്ടാ ക്കിയപ്പോൾ, ബാങ്കുകൾ, സാമ്പത്തിക സേവനങ്ങൾ, റിയൽറ്റി എന്നിവ താഴ്ന്നു ക്ലോസ് ചെയ്തു.

983 ഓഹരികൾ ഉയർന്നു, 1114 എണ്ണം ഇടിഞ്ഞു, 211 ന് മാറ്റമില്ല.

ആക്ക സൂചകങ്ങളും മൂവിംഗ് ശരാശരികളും ഉയർച്ചയ്ക്കുള്ള പ്രവണത സൂചിപ്പിക്കുന്നു. പ്രതിദിനചാർട്ടിൽ ഒരു വെളുത്ത മെഴുകുതിരി രൂപപ്പെടുകയുംഅതു ദിവസത്തിലെ ഉയർന്ന നിലവാരത്തിനടുത്തായി ക്ലോസ് ചെയ്യുകയും ചെയ്തു. ഉയരുമ്പോൾ സൂചികയ്ക്ക് 17,608 ൽ ഇൻട്രാഡേ പ്രതിരോധമുണ്ട്. സൂചിക ഇതിനു മുകളിൽ നിലനിൽക്കുകയാണെങ്കിൽ, വരും ദിവസങ്ങളിലും ബുള്ളിഷ് ട്രെൻഡ് തുടരാം. ഹ്രസ്വകാല പ്രതിരോധം 18,000 മേഖലയിലാണ്, പിന്തുണ 17,350 മേഖലയിലും. സൂചിക ഈ നിലവാരത്തിന് മുകളിൽ തുടരുന്നിടത്തോളം കാലം ബുള്ളിഷ് ട്രെൻഡ് തുടരും.

പിന്തുണ-പ്രതിരോധ നിലകൾ

ഇൻട്രാഡേ സപ്പോർട്ട് 17500-17420-17350

പ്രതിരോധം 17606-17680-17750 (15 മിനിറ്റ് ചാർട്ട്)

യൂറോപ്യൻ, യുഎസ് വിപണികൾ നെഗറ്റീവ് പ്രവണതയിലാണ് അവസാനിച്ചത്. ഏഷ്യൻ വിപണികളും താഴ്ന്നാണു വ്യാപാരം നടത്തുന്നത്. രാവിലെ എസ്‌ജിഎക്‌സ് നിഫ്റ്റി 17,525 എന്ന നിലയിലാണ്. നിഫ്റ്റി ഇന്ന് കാര്യമായ മാറ്റമില്ലാതെ വ്യാപാരം തുടങ്ങിയേക്കാം.

വിദേശ നിക്ഷേപകർ 1,864.79 കോടിയുടെ അറ്റ വാങ്ങലുകാർ ആയിരുന്നു, സ്വദേശി സ്ഥാപനങ്ങൾ 886.8കോടിയുടെ വിൽപനക്കാരായി .

ബാങ്ക് നിഫ്റ്റി

ഹ്രസ്വകാല പ്രവണത: പോസിറ്റീവ് ചായ് വ്

ബാങ്ക് നിഫ്റ്റി 273.65 പോയിന്റ് താഴ്ന്ന് 40,099.60 ലാണ് ക്ലോസ് ചെയ്തത്. ഹ്രസ്വകാല മൂവിംഗ് ശരാശരിയും ആക്കസൂചകങ്ങളും ഉയരാനുള്ള പ്രവണത സൂചിപ്പിക്കുന്നു. ഒരു ചെറിയ കറുത്ത മെഴുകുതിരി രൂപപ്പെടുകയും സൂചിക മുമ്പത്തെ ക്ലോസിംഗിനു താഴെ ക്ലോസ് ചെയ്യുകയും ചെയ്തു. ഇത് ഒരു ചുറ്റിക മെഴുകുതിരി പാറ്റേൺ പോലെ കാണപ്പെടുന്നു. സൂചിക കഴിഞ്ഞ ദിവസത്തെ ഉയർന്ന നിലവാരമായ 40,208 ന് മുകളിൽ തുടരുകയാണെങ്കിൽഇന്ന് ഉയർച്ച പ്രതീക്ഷിക്കാം. സൂചികയ്ക്ക് 40,600-ൽ ഹ്രസ്വകാല പ്രതിരോധമുണ്ട്. ബുള്ളിഷ് പ്രവണത തുടരണമെങ്കിൽ സൂചിക ഈ നിലയ്ക്ക് മുകളിൽ ക്ലോസ് ചെയ്യേണ്ടതുണ്ട്. സൂചിക ഈ നിലയ്ക്ക് താഴെ തുടരുകയാണെങ്കിൽ കുറച്ച് ദിവസത്തേക്ക് സമാഹരണം മാത്രമാകും.

പിന്തുണ -പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 40,000-39,800-39,500

റെസിസ്റ്റൻസ് ലെവലുകൾ 40,200-40,400-40,800 (15 മിനിറ്റ് ചാർട്ടുകൾ)

സാങ്കേതിക വിശകലന പദാവലി

മെഴുകുതിരി വിശകലനം 11

(Candlestick Analysis 11)

വെളുത്ത മരുബോസു മെഴുകുതിരി

White Marubozu Candlestick Pattern

വെളുത്ത മരുബോസു മെഴുകുതിരികൾ ശക്തമായ ബുള്ളിഷ് പ്രവണതയെ സൂചിപ്പിക്കുന്നു. ഇവ മൂന്ന് തരമുണ്ട്. വെള്ള മരുബോസു, വെള്ള ഓപ്പൺ ചെയ്യുന്ന മരുബോസു, വെള്ള ക്ലോസ് വെല്ലുന്ന മരുബോസു.

ഓപ്പണിംഗ് ബെൽ മുതൽ ക്ലോസിംഗ് ബെൽ വരെ വാങ്ങലുകാർ സ്റ്റോക്ക് വിലയെ നിയന്ത്രിച്ചുവെന്ന് വെള്ള മരുബോസു മെഴുകുതിരികൾ സൂചിപ്പിക്കുന്നു. ഈ നീണ്ട വെളള മെഴുകുതിരിയിൽ മുകളിലോ താഴെയോ നിഴലുകൾ ഇല്ല. വെള്ള ഓപ്പൺ ചെയ്യുന്ന മരുബോസുവിന് താഴ്ന്ന നിഴലില്ല, അതിന്റെ ഓപ്പണിംഗ് വിലയും കുറഞ്ഞ വിലയും ഒന്നുതന്നെയാണ്, പക്ഷേ ഇതിനുമുകളിൽ ചെറിയ നിഴൽ ഉണ്ട്. വൈറ്റ്-ക്ലോസിംഗ് മരുബോസുവിനു താഴെ ഒരു ചെറിയ നിഴൽ ഉണ്ട്, എന്നാൽ മുകൾ ഭാഗത്ത് നിഴൽ ഇല്ല. ഈ പാറ്റേണുകളെല്ലാം ശക്തമായ ബുള്ളിഷ് പ്രവണതയെ സൂചിപ്പിക്കുന്നു.

ഓഹരി വിശകലനം

എച്ച്ഡിഎഫ്‌സിലൈഫ് അവസാന വില 537.20 രൂപ

പ്രതിദിന ചാർട്ടിൽ എച്ച്ഡിഎഫ്‌സി ലൈഫ് 535.00 എന്ന പ്രതിരോധത്തിന് തൊട്ട് മുകളിൽ ക്ലോസ് ചെയ്തു. ഈ നിലയ്ക്ക് മുകളിൽ ട്രേഡ് ചെയ്തു നിലനിന്നാൽ പോസിറ്റീവ് ആക്കം തുടരാം.

എച്ച്ഡിഎഫ്‌സിലൈഫ് ഈയിടെ ഓഹരി വില 605.90 രൂപയിൽ നിന്ന് 510 ആയി തിരുത്തി. അതിനുശേഷം, ഓഹരികൾ 520-535 പരിധിയിലായിരുന്നു. കഴിഞ്ഞ ദിവസം 535.00 ന് മുകളിൽ ക്ലോസ് ചെയ്തു. മൊമെന്റം സൂചകങ്ങളും ഉയരാനുള്ള പ്രവണത സൂചിപ്പിക്കുന്നു. സ്റ്റോക്ക് ട്രേഡ് ചെയ്യുകയും 535 ലെവലിന് മുകളിൽ നിലനിൽക്കുകയും ചെയ്താൽ, വരും ദിവസങ്ങളിലും ബുള്ളിഷ് ആക്കം തുടരാം. 560-580 ലെവലിൽ പ്രതിരോധമുണ്ട്.

നിരാകരണം: ഈ റിപ്പോർട്ട് പഠന ആവശ്യങ്ങൾക്ക് മാത്രമുള്ളതാണ്. ഏതെങ്കിലും നിക്ഷേപം അല്ലെങ്കിൽ വ്യാപാര തീരുമാനങ്ങൾ എടുക്കുന്നതിന് മുമ്പ്, വായനക്കാർ ഡാറ്റയും കമ്പനികളും വ്യക്തിപരമായി പരിശോധിക്കുകയോ അവരുടെ സാമ്പത്തിക ഉപദേഷ്ടാവിൽ നിന്ന് ഉപദേശം തേടുകയാേ ചെയ്യണം.