നിഫ്റ്റി ഇന്ത്യ ഡിഫെന്‍സ് സൂചിക; സവിശേഷതകള്‍ അറിയാം
സൂചികയിലെ കമ്പനികളുടെ മാനദണ്ഡം ഇതാണ്
നാഷണല്‍ സ്റ്റോക്ക് എക്‌സ് ചേഞ്ച് നിഫ്റ്റി ഇന്ത്യ ഡിഫെന്‍സ് സൂചിക എന്ന പുതിയ ഒരു ഓഹരി സൂചികക്ക് കൂടി തുടക്കമിട്ടിരിക്കുന്നു. ഡിഫെന്‍സ് ഓഹരികളെ യാണ് ഇതില്‍ പെടുത്തിയിരിക്കുന്നത്. അവയുടെ വിലയില്‍ ഉണ്ടാകുന്ന ദൈനം ദിന വ്യതിയാനങ്ങള്‍ ഈ സൂചികയില്‍ പ്രതിഫലിക്കും.
പ്രതിരോധം, കപ്പല്‍ നിര്‍മാണം , വ്യോമയാനം, സ്‌ഫോടക വസ്തുക്കള്‍ തുടങ്ങിയ വ്യവസായ സ്ഥാപനങ്ങള്‍ക്കാണ് ഈ സൂചികയില്‍ സ്ഥാനം ലഭിക്കുക. ആസ്ട്ര മൈക്രോ വേവ് പ്രോഡക്ട് ലിമിറ്റഡ്, ബി ഇ എം എല്‍, ഭാരത് ഡയനാമിക്‌സ്, ഭാരത് ഇലക്ട്രോണിക്‌സ്, കൊച്ചിന്‍ ഷിപ്പ്‌യാര്‍ഡ്, ഹിന്ദുസ്ഥാന്‍ എയ്‌റോ നോട്ടിക്‌സ്, സോളാര്‍ ഇന്‍ഡസ്ട്രീസ് ഇന്ത്യ ലിമിറ്റഡ് , മസഗോന്‍ ഡോക് ഷിപ് ബില്‍ഡേഴ്സ്, തുടങ്ങിയ കമ്പനികളെ തുടക്കത്തില്‍ നിഫ്റ്റി ഇന്ത്യ ഡിഫെന്‍സ് സൂചികയില്‍ പെടുത്തിയിട്ടുണ്ട് . കുറഞ്ഞത് 20 ശതമാനം ബിസിനസ് പ്രതിരോധ മേഖലയില്‍ നിന്ന് ലഭിക്കുന്ന കമ്പനികളെ ഈ സൂചികയില്‍ പെടുത്തുമെന്ന് എന്‍ എസ് ഇ അറിയിപ്പില്‍ പറയുന്നു.