വിപണി സൂചകങ്ങൾ പോസിറ്റീവ്; നിഫ്റ്റിക്ക് 20,200 ൽ ഇൻട്രാഡേ പ്രതിരോധം

നിഫ്റ്റി ഇന്നലെ 36.55 പോയിന്റ് (0.18 ശതമാനം) നേട്ടത്തോടെ 20,133.20 ലാണ് വ്യാപാരം അവസാനിപ്പിച്ചത്. സൂചിക 20,125-ന് മുകളിൽ ട്രേഡ് ചെയ്തു നിലനിർത്തിയാൽ ബുള്ളിഷ് ആക്കം തുടരാം.

നിഫ്റ്റി അൽപം ഉയർന്ന് 20,108.5 ൽ വ്യാപാരം തുടങ്ങി. സൂചിക ഇടിഞ്ഞ് 20,015.80 എന്ന താഴ്ന്ന നിലയിലെത്തി. ഉച്ചകഴിഞ്ഞു സൂചിക തിരിച്ചു കയറി 20,158.70 എന്ന ഉയർന്ന നിലവാരം പരീക്ഷിച്ചു. 20,133.20 ൽ ക്ലോസ് ചെയ്തു.

ഫാർമ, റിയൽറ്റി, എഫ്.എം.സി.ജി, മീഡിയ എന്നിവയാണ് കൂടുതൽ നേട്ടമുണ്ടാക്കിയ മേഖലകൾ. കൂടുതൽ നഷ്ടത്തിലായത് ബാങ്ക്, ഐ.ടി എന്നിവയാണ്. 1208 ഓഹരികൾ ഉയർന്നു, 1164 ഓഹരികൾ ഇടിഞ്ഞു, 113 എണ്ണം മാറ്റമില്ലാതെ തുടർന്നു.

നിഫ്റ്റിയിൽ അൾട്രാടെക് സിമന്റ്, എച്ച്‌.ഡി.എഫ്‌.സി ലൈഫ്, ഐഷർ മോട്ടോഴ്സ്, സൺഫാർമ എന്നിവ കൂടുതൽ നേട്ടമുണ്ടാക്കിയപ്പോൾ, അദാനി എന്റർപ്രൈസസ്, അദാനി പോർട്ട്‌സ്, ഇൻഡസ്‌ ഇൻഡ് ബാങ്ക്, പവർഗ്രിഡ് എന്നിവയ്ക്കാണു കൂടുതൽ നഷ്ടം.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. ആക്കം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ വൈറ്റ് കാൻഡിൽ (white candle) രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു.

സൂചികയ്ക്ക് 20,125 ൽ ഇൻട്രാഡേ പിന്തുണയുണ്ട്. സൂചിക ഈ നിലവാരത്തിന് മുകളിൽ തുടരുകയാണെങ്കിൽ, വരും ദിവസങ്ങളിലും ബുള്ളിഷ് ആക്കം തുടരാം. അടുത്ത ഹ്രസ്വകാല പ്രതിരോധം 20,200ൽ തുടരും. ഈ നിലയ്ക്ക് മുകളിലുള്ള വിജയകരമായ ക്ലോസ് 20,600 എന്ന അടുത്ത റെസിസ്റ്റൻസ് ലെവലിലേക്ക് നയിച്ചേക്കാം.

ഇൻട്രാഡേ സപ്പോർട്ട് ലെവലുകൾ 20,125-20,050-19,950

റെസിസ്റ്റൻസ് ലെവലുകൾ

20,200-20,275-20,325

(15 മിനിറ്റ് ചാർട്ടുകൾ)

പൊസിഷനൽ വ്യാപാരികൾക്ക്, ഹ്രസ്വകാല സപ്പോർട്ട് 19,850-19,500 പ്രതിരോധം 20,200-20,600.

ബാങ്ക് നിഫ്റ്റി

ബാങ്ക് നിഫ്റ്റി 84.7 പോയിന്റ് നഷ്ടത്തിൽ 44,481.75 ൽ ക്ലോസ് ചെയ്തു. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു. സൂചിക ഹ്രസ്വകാല, ദീർഘകാല മൂവിംഗ് ശരാശരിക്ക് മുകളിലാണ്. എങ്കിലും സൂചിക ദൈനംദിന ചാർട്ടിൽ ബ്ലാക്ക് കാൻഡിൽ (black candle) രൂപപ്പെടുത്തി ഹ്രസ്വകാല പ്രതിരോധമായ 44,650 പരീക്ഷിക്കുകയും ചെയ്തു. പിന്നീടു കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ നെഗറ്റീവ് പക്ഷപാതം സൂചിപ്പിക്കുന്നു. സൂചിക 44,650 എന്ന പ്രതിരോധത്തെ മറികടക്കുകയാണെങ്കിൽ, ബുള്ളിഷ് ട്രെൻഡ് വരും ദിവസങ്ങളിലും തുടരാം. അല്ലെങ്കിൽ, കുറച്ച് ദിവസത്തേക്ക് സൂചിക ഈ നിലയ്ക്ക് താഴെ സമാഹരിക്കപ്പെട്ടേക്കാം.

ഇൻട്രാഡേ സപ്പോർട്ട് ലെവലുകൾ 44,280 -44,085 -43,930

പ്രതിരോധ നിലകൾ

44,500, 44,730, 44,950

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക് ഹ്രസ്വകാല സപ്പോർട്ട് 44,000-43,500 പ്രതിരോധം 44,650 - 45,500.