കുറഞ്ഞ മുതല്‍ മുടക്കില്‍ തുടങ്ങാം, അലൂമിനിയം ഫോയില്‍ & ക്‌ളിംഗ് ഫിലിം റീവൈന്‍ഡിംഗ്

അലൂമിനിയം ഫോയിലുകളുടെ ജംബോ റോളുകള്‍ 12000 മീറ്റര്‍ നീളത്തിലും 100 കിലോ തൂക്കത്തിലുമാണ് ലഭിക്കുന്നത്. ഇവ റീവൈന്‍ഡിംഗ് യന്ത്രം ഉപയോഗിച്ച് 9 മീറ്റര്‍ , 72 മീറ്റര്‍ ,1 kg അളവുകളില്‍ ചെറിയ റോളുകളാക്കി മാറ്റും. ഇതിനാവശ്യമായ പേപ്പര്‍ കോറുകള്‍ വിപണിയില്‍ ലഭ്യമാണ്. തുടര്‍ന്ന് ഡ്യൂപ്‌ളെക്‌സ് ബോക്സുകളില്‍ പായ്ക്ക് ചെയ്ത് വിപണിയിലെത്തിക്കും.

പ്രതിദിനം 600kg റോളുകള്‍ വരെ ഈ യന്ത്രം ഉപയോഗിച്ച് റീവൈന്‍ഡ് ചെയ്യാനാകും. ക്‌ളിംഗ് ഫിലിമും ഈ വിധം റീവൈന്‍ഡ് ചെയാന്‍ ഇതേ യന്ത്രം ഉപയോഗപ്പെടുത്താം.

അലൂമിനിയം ഫോയില്‍ റീവൈന്‍ഡ് യന്ത്രം: 2,00,000.00

അനുബന്ധ സൗകര്യങ്ങള്‍ : 20,000.00

ആകെ : 2,20,000.00

പ്രവര്‍ത്തന മൂലധനം: 2,00,000.00

പ്രവര്‍ത്തന വരവ് ചിലവ് കണക്ക്

(400kg റോള്‍ റീവൈന്‍ഡ് ചെയുന്നതിനുള്ള ചിലവ് )

റോള്‍ വില 400X240: 96,000.00

പായ്ക്കിംഗ് ചാര്‍ജ് (കോറും ,കാര്‍ട്ടണും ഉള്‍പ്പെടെ ): 5500.00

വേതനം: 600.00

വൈദ്യുതി അനുബന്ധ ചിലവുകള്‍ : 300.00

ട്രാന്‍സ് പോര്‍ട്ടേഷന്‍ & മാര്‍ക്കറ്റിംഗ്. : 1000.00

ആകെ = 1,03,400.00

വരവ്

(400kg റോളില്‍ നിന്നും 9m നീളമുള്ള 5383 ചെറിയ റോളുകള്‍ നിര്‍മ്മിച്ച് വില്‍പ്പന നടത്തുമ്പോള്‍ ലഭിക്കുന്നത്)

9m റോള്‍ MRP : 45.00

കമ്മീഷന്‍ കിഴിച്ച ഉല്‍പ്പാദകന് ലഭിക്കുന്നത്: 25.00

ആകെ: 5383X25.00 = 1,45,950.00

ലാഭം

വിറ്റുവരവ് : 145950.00

ഉല്‍പ്പാദന ചിലവ് : 103400.00

ലാഭം : 42550.00

അലൂമിനിയം ഫോയില്‍ റീവൈന്‍ഡിംഗ് ബിസിനസ്സ് ആരംഭിക്കുന്നതിനുള്ള സാങ്കേതിക സഹായം പിറവം അഗ്രോപാര്‍ക്കില്‍ ലഭിക്കും 0485 -2242310

ഉദ്യം രജിസ്ട്രേഷന്‍ , ചരക്ക് സേവന നികുതി രജിസ്ട്രേഷന്‍, പായ്ക്കേജിംഗ് ലൈസന്‍സ് എന്നിവ നേടണം . മൂലധന നിക്ഷേപത്തിന് അനുപാതികമായി വ്യവസായ വകുപ്പില്‍ നിന്നും സബ്‌സിഡി ലഭിക്കും.