റോബോട്ട് മുതൽ മെറ്റാവേഴ്സ് വരെ; ശ്രദ്ധേയമായി സ്റ്റാർട്ടപ്പ് മിഷന്റെ ഹെൽത്ത്‌ ടെക് സമിറ്റ്
ആരോഗ്യ രംഗത്തെ ടെക്നോളജിയുടെ പ്രധാന്യം ഉയർത്തിക്കാട്ടുക എന്ന ലക്ഷ്യത്തോടെ ഹെൽത്ത്‌ ടെക് സമിറ്റ് സംഘടിപ്പിച്ച് കേരള സ്റ്റാർട്ടപ്പ് മിഷൻ. കാരിത്താസ് ആശുപത്രി, ഇ ഹെൽത്ത്‌ കേരള, TIMed എന്നിവരുമായി ചേർന്ന് നടത്തിയ സമിറ്റ് ആരോഗ്യമന്ത്രി വീണ ജോർജ് ഉദ്ഘാടനം ചെയ്തു.
ഹെല്‍ത്ത്‌ടെക് ഉച്ചകോടിയിലെ സെമിനാറില്‍ കിംസ്‌ഹെല്‍ത്ത് നെഫ്രോളജി സ്‌പെഷ്യലിസ്റ്റ് ഡോ. പ്രവീണ്‍ മുരളീധരന്‍ സംസാരിക്കുന്നു. അമല മെഡിക്കല്‍ കോളേജ് പ്രിന്‍സിപ്പല്‍ ഡോ. ബെറ്റ്‌സി തോമസ്, എംവിആര്‍ ക്യാന്‍സര്‍ ഇന്‍സ്റ്റിറ്റ്യൂട്ട് ഡയറക്ടര്‍ ഡോ. നാരായണന്‍കുട്ടി വാര്യര്‍, ചൈതന്യ ഹോസ്പിറ്റല്‍ എംഡി ഡോ. എന്‍ മധു, കാരിത്താസ് ഹോസ്പിറ്റലിലെ ഓങ്കോളജിസ്റ്റ് ഡോ. ബോബന്‍ തോമസ്, എന്നിവര്‍ സമീപം
കാരിത്താസ് ആശുപത്രി വികസിപ്പിച്ച 'കാരിത്താസിയൻ,' എന്ന റോബോട്ടിലൂടെയാണ് മന്ത്രി സമിറ്റിന്റെ ഉദ്ഘാടനം നിർവഹിച്ചത്. വോയിസ്‌ കമാൻഡിലൂടെ രോഗികളുടെ രെജിസ്ട്രേഷൻ ഉൾപ്പടെ ചെയ്യാൻ ശേഷിയുള്ള റോബോട്ട് ആണ് കാരിത്താസിയൻ. സംസ്ഥാനത്തെ ആദ്യ ഹെൽത്ത്‌ ടെക് അക്‌സെലിറേട്ടറിന്റെ പ്രഖ്യാപനവും സമിറ്റിൽ ഉണ്ടായി. സമിറ്റിന്റെ ഭാഗമായി കേരളത്തിന്റെ വിവിധ ഭാഗങ്ങളിൽ നിന്നുള്ള സ്റ്റാർട്ടപ്പുകളുടെ ഹെൽത്ത്‌ ടെക് ഉൽപ്പന്നങ്ങളുടെ പ്രദർശനവും നടന്നു.