റിയല്‍മിയുടെ എന്‍ട്രിലെവല്‍ സ്മാര്‍ട്ട്‌ഫോണ്‍ സി30; സവിശേഷതകള്‍ അറിയാം
7,499 രൂപ മുതലാണ് ഫോണിന്റെ വില
റിയല്‍മിയുടെ ഏറ്റവും പുതിയ എന്‍ട്രി ലെവല്‍ സ്മാര്‍ട്ട്‌ഫോണ്‍ ആയ സി30 ഇന്ത്യന്‍ വിപണിയില്‍ അവതരിപ്പിച്ചു. രണ്ട് വേരിയന്റുകളില്‍ എത്തുന്ന ഫോണിന്റെ 2 ജിബി റാമുള്ള മോഡലിന് 7,499 രൂപയാണ് വില. 3 ജിബി വേരിയന്റ് 8,299 രൂപയ്ക്ക് ലഭിക്കും.
ഇരുമോഡലുകള്‍ക്കും 32 ജിബി സ്‌റ്റോറേജാണ് നല്‍കിയിരിക്കുന്നത്. ജൂണ്‍ 27 മുതല്‍ റീട്ടെയില്‍ ഷോറുമുകളില്‍ നിന്നും ഫ്‌ലിപ്കാര്‍ട്ട്, റിയല്‍മി.കോം എന്നീ വെബ്‌സൈറ്റുകളില്‍ നിന്നും ഫോണ്‍ വാങ്ങാം.
The #realmeC30 is here!
— realme (@realmeIndia) June 20, 2022
Powered by a Long-Lasting Battery and finessed with an Ultra-Slim Stripe Design, it's a very efficient & impressive looking device. #NayeZamaneKaEntertainment Starting at ₹7,499*
First Sale at 12 PM, 27th June on @flipkart & https://t.co/HrgDJTZcxv.
ബാംബൂ ഗ്രീന്‍, ഡെനിം ബ്ലാക്ക്, ലേക്ക് ബ്ലൂ എന്നീ നിറങ്ങളില്‍ ഫോണ്‍ ലഭ്യമാണ്. റെഡ്മി 10എ, ടെക്‌നോ സ്പാര്‍ക്ക് ഗോ, സാംസംഗ് ഗ്യാലക്‌സി എ03 കോര്‍ എന്നീ മോഡലുകളോടാണ് സി30 മത്സരിക്കുക.
Realme C30 സവിശേഷതകള്‍
6.5 ഇഞ്ചിന്റെ എച്ച്ഡി+ ഡിസിപ്ലെയിലാണ് ഫോണ്‍ എത്തുന്നത്. 20:9 ആണ് ഡിസ്‌പ്ലെയുടെ ആസ്‌പെക്ട് റേഷ്യോ. ആന്‍ഡ്രോയിഡ് 11 ഗോയെ അടിസ്ഥാനമാക്കിയുള്ള റിയല്‍മി യുഐ ഗോ എഡീഷനിലാണ് ഫോണ്‍ പ്രവര്‍ത്തിക്കുന്നത്.
ഒക്ടാകോര്‍ യൂണിസോക് T612 SoC പ്രൊസസറാണ് ഈ എന്‍ട്രി ലെവല്‍ മോഡലില്‍ റിയല്‍മി ഉള്‍ക്കൊള്ളിച്ചിരിക്കുന്നത്. 1.82 Ghz ആണ് ക്ലോക്ക് സ്പീഡ്. എച്ച്ഡിആര്‍ മോഡാട് കൂടിയ 8 മെഗാപിക്‌സലിന്റെ ക്യാമറയാണ് ഫോണിന്. 5 എംപിയുടേതാണ് സെല്‍ഫി ക്യാമറ. എസ്ഡി കാര്‍ഡ് ഉപയോഗിച്ച് ഫോണിന്റെ മെമ്മറി ഒരു ടിബി വരെ വര്‍ധിപ്പിക്കാം.