ഒരു നല്ല ഫോട്ടോഗ്രാഫറാകാന് വിലയേറിയ ക്യാമറ സ്വന്തമാക്കേണ്ടതില്ലാത്ത കാലമാണിത്. സെന്സറുകളും സോഫ്റ്റ്വെയര് ഒപ്റ്റിമൈസേഷനുകളും ദ്രുതഗതിയില് കൈവരിക്കുന്ന പുരോഗതിയിലൂടെയാണിതു സാധ്യമാകുന്നത്.
ഫോട്ടോഗ്രാഫിയെക്കുറിച്ച് യാതൊരറിവുമില്ലാതെ പോലും മനസിനിണങ്ങിവിധം ഏതു പടവുമെടുക്കാന് ഇപ്പോള് സ്മാര്ട്ട്ഫോണ് ക്യാമറ മതിയാകും. ഇന്ത്യയില് ലഭ്യമായ മികച്ച ക്യാമറ ഫോണുകള്:
ഹുവാവേ പി 30 പ്രോ
71,990 രൂപ വിലയുള്ള ഹുവാവേ പി 30 പ്രോ 50 എക്സ് സൂം വാഗ്ദാനം ചെയ്യുന്ന ആദ്യത്തെ സ്മാര്ട്ട്ഫോണുകളില് ഒന്നാണ്. 20 മെഗാപിക്സല് വൈഡ് ആംഗിള് സെന്സര്, 40 മെഗാപിക്സല് മെയിന് സെന്സര്, 8 മെഗാപിക്സല് സൂം ലെന്സ്, ടൈം ഓഫ് ഫ്ളൈറ്റ് സെന്സര് എന്നിവയുള്പ്പെടെ നാല് പിന് ക്യാമറകളാണ് ഇതിലുള്ളത്. വിശ്വസനീയമായ പ്രകടനത്തിനു ഓണ്ബോര്ഡ് കിരിന് 980 പ്രോസസര് ആണുള്ളത്.
ഗൂഗിള് പിക്സല് 3 എക്സ്എല്
പകല് വെളിച്ചത്തിലും ലോലൈറ്റ് ക്രമീകരണങ്ങളിലും ഉടനീളം മികച്ച ഫോട്ടോകള് നല്കും ഗൂഗിള് പിക്സല് 3 എക്സ്എല്. നൂതനമായ ഗൂഗിള് സോഫ്റ്റ്വെയര് അല്ഗോരിതം ഇതിനായി ഉപയോഗിക്കുന്നു. ഓട്ടോഫോക്കസ്, ഡ്യുവല് പിക്സല് ഫേസ് ഡിറ്റക്ഷന്, ഒഐഎസ്, ഇഐഎസ്, എഫ് / 1.8 അപ്പര്ച്ചര് എന്നിവയുള്ള 12 മെഗാപിക്സല് പിന് ക്യാമറ ഇതില് ഉള്ക്കൊള്ളുന്നു. ഏകദേശം 52,400 രൂപയ്ക്ക് ഓണ്ലൈനില് ലഭ്യമാണ്.
ഷിയോമി റെഡ്മി കെ 20 പ്രോ
ട്രിപ്പിള് റിയര് ക്യാമറ സജ്ജീകരണത്തോടെ 48 മെഗാപിക്സല്, 8 മെഗാപിക്സല് ടെലിഫോട്ടോ ലെന്സ്, 13 മെഗാപിക്സല് 124.8 ഡിഗ്രി സൂപ്പര് വൈഡ് ആംഗിള് ലെന്സ് എന്നിവ ഉള്ക്കൊള്ളുന്നു ഷിയോമി റെഡ്മി കെ 20 പ്രോ. പകല് വെളിച്ച ക്രമീകരണത്തില് മികച്ച ഫലങ്ങള് നല്കുന്നു. ലോലൈറ്റ് പ്രകടനം വണ്പ്ലസ് 7 ന് തുല്യമാണ്. 27,999 രൂപ പ്രാരംഭ വില.
റിയല്മെ എക്സ്
പ്രീമിയം ഡിസൈനും പോപ്പ്-അപ്പ് സെല്ഫി ക്യാമറയുമായാണ് റിയല്മെ എക്സ് അവതരിച്ചിട്ടുള്ളത്. 48 എംപി, 5 എംപി സെന്സറുകളുണ്ട്. 30 എഫ് പി എസില് 4 കെ വീഡിയോകള് ഷൂട്ട് ചെയ്യാം ഇതുപയോഗിച്ച്. 16,999 രൂപയ്ക്ക് ഓണ്ലൈനില് ലഭ്യം.
റെഡ്മി നോട്ട് 7 പ്രോ
48 മെഗാപിക്സല് സോണി ഐഎംഎക്സ് 586 സെന്സര് വാഗ്ദാനം ചെയ്യുന്ന ഏറ്റവും വിലകുറഞ്ഞ സ്മാര്ട്ട്ഫോണുകളില്പ്പെടുന്നു ഷിയോമി റെഡ്മി നോട്ട് 7 പ്രോ. 13,999 രൂപ മാത്രമാണ് പ്രാരംഭ വില. ഓണ്ലൈനില് ലഭ്യമാണ്. 48 എംപി + 5 എംപി എഐ ഡ്യുവല് ക്യാമറയും 1.6 മ്യൂ.എം ലാര്ജ് പിക്സല്, പിഡിഎഎഫ്, എഫ് / 1.79 അപ്പര്ച്ചര് ലെന്സും ഇണക്കിയതാണ് റെഡ്മി നോട്ട് 7 പ്രോ. 30 എഫ് പി എസില് 4 കെ വീഡിയോ എടുക്കാനാകും. 4,000 എംഎഎച്ച് ബാറ്ററി, ക്വാല്കോം സ്നാപ്ഡ്രാഗണ് 675 പ്രോസസര്, 6.3 ഇഞ്ച് ഫുള് എച്ച്ഡി എന്നിവയാണ് മറ്റു പ്രത്യേകതകള്.