Begin typing your search above and press return to search.
എസ്ബിഐ സ്ഥിര നിക്ഷേപങ്ങള്‍ക്ക് ഇനി കൂടുതല്‍ പലിശ നിരക്ക്
രണ്ട് വര്‍ഷത്തിന് മേലെ കാലാവധിയുള്ള സ്ഥിര നിക്ഷേപങ്ങളുടെ പുതിയ പലിശ നിരക്ക് അറിയാം
സ്റ്റേറ്റ് ബാങ്ക് ഓഫ് ഇന്ത്യ (SBI) 2 വര്‍ഷത്തിന് മുകളിലുള്ള സ്ഥിര നിക്ഷേപങ്ങളുടെ (Fixed Deposit) പലിശ നിരക്ക് 10-15 ബേസിസ് പോയിന്റുകള്‍ വര്‍ധിപ്പിച്ചു. 2022 ഫെബ്രുവരി 15 മുതല്‍ പുതിയ നിരക്കുകള്‍ പ്രാബല്യത്തില്‍ വരും. എസ്ബിഐ വെബ്സൈറ്റിലാണ് പുതിയ വിവരങ്ങള്‍ പ്രസിദ്ധപ്പെടുത്തിയിരിക്കുന്നത്.
2 വര്‍ഷം മുതല്‍ 3 വര്‍ഷത്തില്‍ താഴെ വരെയുള്ള എഫ്ഡി കാലാവധിക്ക്, പലിശ നിരക്ക് 10 ബേസിസ് പോയിന്റ് വര്‍ധിപ്പിച്ച് 5.20 ശതമാനമായും 3 വര്‍ഷം മുതല്‍ 5 വര്‍ഷത്തില്‍ താഴെയുള്ളവയ്ക്ക് 15 ബേസിസ് പോയിന്റ് വര്‍ധിപ്പിച്ച് 5.45 ശതമാനവും ആക്കി.
5 വര്‍ഷം മുതല്‍ 10 വര്‍ഷം വരെയുള്ള എഫ്ഡി കാലാവധിക്ക്, പലിശ നിരക്ക് 10 ബേസിസ് പോയിന്റ് വര്‍ധിപ്പിച്ച് 5.50 ശതമാനമാക്കി. 2 കോടിയില്‍ താഴെ മൂല്യമുള്ള എല്ലാ എഫ്ഡികള്‍ക്ക് പുതിയ നിരക്കുകള്‍ ബാധകമാണ്.
2 വര്‍ഷത്തില്‍ താഴെയുള്ള FD യുടെ പലിശ നിരക്കുകള്‍ മാറ്റമില്ലാതെ തുടരുന്നു. (എന്നിരുന്നാലും, 1 വര്‍ഷം മുതല്‍ 2 വര്‍ഷത്തില്‍ താഴെ വരെയുള്ള 2 കോടി രൂപയില്‍ താഴെയുള്ള എഫ്ഡികളുടെ പലിശ നിരക്ക് 2022 ജനുവരിയില്‍ എസ്ബിഐ 10 ബേസിസ് പോയിന്റുകളായി ഉയര്‍ത്തി എന്നത് ശ്രദ്ധിക്കേണ്ടതാണ്.
മുതിര്‍ന്ന പൗരന്മാര്‍ക്ക് 5.6% (5.5% ല്‍ നിന്ന്) ലഭിക്കും.
Next Story
Videos