കൊച്ചിന്‍ ഷിപ്പ്‌യാര്‍ഡിന് ₹1,000 കോടിയുടെ കരാര്‍, 5 മാസം കൊണ്ട് പൂര്‍ത്തിയാക്കണം
യു.എസ് കമ്പനിയായ സിയാട്രിയം ലെറ്റൂര്‍നോയുമായി അടുത്തിടെ കരാര്‍ ഒപ്പു വച്ചിരുന്നു
image:@https://cochinshipyard.in/
നാവികസേനയുടെ വമ്പന്‍ കപ്പലുകളുടെ അറ്റകുറ്റപ്പണിക്കായി കേന്ദ്ര വ്യോമയാന മന്ത്രാലയവും കൊച്ചി കപ്പല്‍ ശാലയും (Cochin Shipyard) തമ്മില്‍ കരാര്‍ ഒപ്പു വച്ചു. ഇന്ത്യന്‍ നേവി ഉപയോഗിക്കുന്ന കപ്പലുകളുടെ അറ്റകുറ്റപ്പണികള്‍ക്കും ഡ്രൈഡോക്കിംഗിനുമായാണ് 1,000 കോടി രൂപയുടെ കരാര്‍ ഒപ്പുവച്ചിരിക്കുന്നത്. അഞ്ച് മാസമാണ് പദ്ധതയുടെ കാലയളവ്.
നിരന്തരമായി ആഭ്യന്തര-വിദേശ ഓര്‍ഡറുകള്‍ കരസ്ഥമാക്കാന്‍ കൊച്ചിന്‍ ഷിപ്പ്‌യാര്‍ഡിന് സാധിക്കുന്നുണ്ട്. അടുത്തിടെ കൊച്ചിന്‍ ഷിപ്പ്‌യാര്‍ഡ്‌ ജാക്ക്-അപ് റഗ്സ് നിര്‍മിക്കാന്‍ യു.എസ് കമ്പനിയായ സിയാട്രിയം ലെറ്റൂര്‍നോയുമായി കരാര്‍ ഒപ്പു വച്ചിരുന്നു. തീരപ്രദേശത്ത് നിന്ന് അകലെ കടലില്‍ ഖനനത്തില്‍ സഹായിക്കുന്ന മൊബൈല്‍ ഓഫ്ഷോര്‍ ഡ്രില്ലിംഗ് യൂണിറ്റ്സ് (MOSsU) വെസലുകള്‍ ഇന്ത്യന്‍ വിപണിക്കായി നിര്‍മിക്കുന്നതിനാണ് സിയാട്രിയം ലെറ്റൂനോയുമായി കൊച്ചിന്‍ ഷിപ്പ്‌യാര്‍ഡ്‌ സഹകരിക്കുന്നത്.