രണ്ട് വര്‍ഷം കൊണ്ട് മലയാളി കുടിച്ചത് 32,000 കോടിയുടെ വിദേശമദ്യം
ദിവസേന കുടിക്കുന്നത് 50 കോടിയുടെ 6 ലക്ഷം ലിറ്റര്‍ മദ്യം
2021 മെയ് മുതല്‍ 2023 മെയ് വരെ മലയാളി കുടിച്ചത് 31,912 കോടിയുടെ മദ്യമെന്ന് കണക്കുകള്‍. ബിയര്‍, വൈന്‍ എന്നിവയ്ക്ക് പുറമേയുള്ള കണക്കാണിത്. 3,051 കോടി വിലവരുന്ന 16,67,23,621 ലിറ്റര്‍ ബിയറും വൈനും ഈ കാലയളവില്‍ വിറ്റു.
50 കോടി രൂപയുടെ വരവ്
പ്രതിദിനം ശരാശരി 6 ലക്ഷം ലിറ്ററിന്റെ മദ്യമാണ് ബിവറേജസ് കോര്‍പറേഷനില്‍ നിന്നും വിറ്റു പോകുന്നത്. 4.36 കോടി വിലവരുന്ന 2,38,189 ലിറ്റര്‍ ബിയറും വൈനും പ്രതിദിനം മലയാളി കുടിക്കുന്നു. ഏകദേശം 50 കോടി രൂപയാണ് വരവ്. രണ്ടു വര്‍ഷത്തിനിടെ 41,68,60,913 ലിറ്റര്‍ മദ്യമാണ് മലയാളി അകത്താക്കി31912-crore-worth-of-liquor-was-sold-in-the-state-within-two-yearsയത്. 700 ദിവസം കൊണ്ട് സര്‍ക്കാരിന് നികുതിയായി ലഭിച്ചത് 24,539.72 കോടിയാണ്. പ്രതിമാസ കണക്കു പ്രകാരം നികുതി 1,022 കോടിയിലധികം വരും.
മദ്യ വില്‍പന ലാഭം നഷ്ടം
2015-16 മുതല്‍ 2018-19 വരെ ബിവറേജസ് കോര്‍പ്പറേഷന്‍ ലാഭത്തിലായിരുന്നു. എന്നാല്‍ 2019-20ല്‍ ഇത് നഷ്ടത്തിലായി. 2015-16ല്‍ ഉണ്ടായിരുന്ന 42.55 കോടിയുടെ ലാഭം 2018-19 ആയപ്പോഴേക്കും 113.13 ആയി ഉയര്‍ന്നു. 2019-20ല്‍ 41.95 കോടിയുടെ നഷ്ടമാണ് ബെവ്കോയ്ക്ക് ഉണ്ടായത്. 2020-21, 2021-22 എന്നീ വര്‍ഷങ്ങളിലെ ഓഡിറ്റ് നടപടികള്‍ ഇനിയും പൂര്‍ത്തിയായിട്ടില്ല.