സ്വകാര്യ ട്രെയിന്‍ ഓടിത്തുടങ്ങി; വൈകുന്ന ഓരോ മണിക്കൂറിനും 100 രൂപ വീതം നഷ്ടപരിഹാരം

ഇന്ത്യന്‍ റെയില്‍വേയുടെ കീഴില്‍ സ്വകാര്യസംരംഭമായി സര്‍വീസ് ആരംഭിച്ച ട്രെയിന്‍ വൈകിയോടിയാല്‍ യാത്രക്കാര്‍ക്ക് നഷ്ടപരിഹാരം ഉറപ്പ്. first train giving penalty in case of delay

Indian Railways, train
Image credit: commons.wikimedia.org

ഇന്ത്യന്‍ റെയില്‍വേയുടെ കീഴില്‍ സ്വകാര്യസംരംഭമായി സര്‍വീസ് ആരംഭിച്ച ട്രെയിന്‍ വൈകിയോടിയാല്‍ യാത്രക്കാര്‍ക്ക് നഷ്ടപരിഹാരം ഉറപ്പ്. ഒരു മണിക്കൂറിലേറെ വൈകിയാല്‍ 100 രൂപയും, 2 മണിക്കൂറിലേറെ വൈകിയാല്‍ 250 രൂപയുമാണ് ലഭിക്കുക.

രണ്ടാം മോദി സര്‍ക്കാരിന്റെ നൂറ് ദിവസത്തെ പദ്ധതികളില്‍പ്പെടുത്തിയാണ് ഇന്ത്യന്‍ റെയില്‍വേയുടെ കാറ്ററിംഗ് ആന്റ് ടൂറിസം സംരംഭമായ ഐആര്‍സിടിസിയുടെ ആഭിമുഖ്യത്തില്‍ ലക്‌നൗ-ഡല്‍ഹി  തേജസ് എക്‌സ്പ്രസ് ഇന്നലെ സര്‍വീസാരംഭിച്ചത്.ഈ പാതയില്‍ ഏറ്റവും കുറഞ്ഞസമയം കൊണ്ട് ഓടിയെത്തുന്ന തീവണ്ടിയാവും ഇത്. ഒരു എക്‌സിക്യൂട്ടീവ് ചെയര്‍ കാര്‍ കോച്ചും ഒന്‍പത് ചെയര്‍ കാര്‍ കോച്ചുകളും തീവണ്ടിയിലുണ്ടാവും.ആകെ 758 സീറ്റുകള്‍.ചരിത്രത്തിലാദ്യമായാണ് യാത്രക്കാര്‍ക്ക് അങ്ങോട്ട് പിഴ നല്‍കുന്ന സമ്പ്രദായം റെയില്‍വേ ആവിഷകരിച്ചത്.

യാത്രക്കാര്‍ക്കായി ചായ, കോഫി, കുടിവെള്ളം എന്നിവ തീവണ്ടിയില്‍ സജ്ജമാക്കിയിട്ടുണ്ട്.ട്രെയിന്‍ ഹോസ്റ്റ്‌സുമാരുടെ സേവനവും ലഭ്യം.  ലക്‌നൗ മുതല്‍ ഡല്‍ഹി വരെ ഏസി ചെയര്‍ കാറിന് 1,125 രൂപയും, എക്‌സിക്യൂട്ടിവ് ചെയറിന് 2,310 രൂപയുമാണ് ടിക്കറ്റ് നിരക്ക്.തേജസ് എക്‌സ്പ്രസ്സിലെ എല്ലാ യാത്രക്കാര്‍ക്കും 25 ലക്ഷം രൂപയുടെ ഇന്‍ഷുറന്‍സ് കവറേജുണ്ട്.മികച്ച നിലവാരത്തിലുള്ള കോച്ചുകള്‍ക്കൊപ്പം സിസി ടിവി ക്യാമറ, ബയോ ടോയ്ലെറ്റ്, എല്‍ഇഡി ടിവി, ഓട്ടോമാറ്റിക് ഡോര്‍, റീഡിങ് ലൈറ്റ്, പ്രത്യേക മൊബൈല്‍ ചാര്‍ജിങ് പോയന്റ് തുടങ്ങി യാത്രക്കാര്‍ക്ക് കൂടുതല്‍ ഉപകാരപ്പെടുന്ന നിരവധി നൂതന സംവിധാനങ്ങള്‍ സജ്ജീകരിച്ചിട്ടുണ്ട്.

കന്നിയാത്ര ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് ഫ്‌ളാഗ് ഓഫ് ചെയ്തു. ഭാവിയില്‍ ഈ ട്രെയിനും പുതിയ പാതകളിലൂടെ ഓടുന്ന സ്വകാര്യ ട്രെയിനുകളും ഐആര്‍സിടിസിക്കു പുറത്തുള്ള സ്വകാര്യ സംരംഭകര്‍ക്കായി വിട്ടു നല്‍കാന്‍ റെയില്‍വേ തീരുമാനമെടുത്തുകഴിഞ്ഞു. മുംബൈ-ഹൈദരാബാദ് പാതയിലാണ് രണ്ടാമത്തെ സ്വകാര്യ തീവണ്ടി സര്‍വീസ് നടത്താന്‍ ഐആര്‍സിടിസി ലക്ഷ്യമിടുന്നത്. പിന്നാലെ പ്രധാനപ്പെട്ട മറ്റു പാതകളിലും സ്വകാര്യ തീവണ്ടികള്‍ പരീക്ഷിക്കും. വിജയകരമായാല്‍ സ്വകാര്യ തീവണ്ടികള്‍ രാജ്യത്തുടനീളം ഓടിത്തുടങ്ങും. തിരുവനന്തപുരം-എറണാകുളം റൂട്ടാണ് കേരളത്തില്‍നിന്ന് സാധ്യതാപട്ടികയിലുള്ളത്.

2 COMMENTS

  1. Indian railway has started today private train. Indian Railway has been developed to today through many years of government efforts and money. Indian railway pays high bonus to its employees as a reflection of its performance. The privatisaton of public institutions may ruin government economy and thus government will be forced to raise tax on public to find for its development. A NATIONAL SORROW!

  2. ലോകത്ത് ഏത് രാജ്യങ്ങളെ നോക്കിയാലും സ്വകാര്യ സര്‍വ്വീസുകള്‍ വളരെ നല്ല സേവനമാണ് കാഴ്ച വെക്കുന്നത്. കഴിഞ്ഞ ഒരു ദിവസം സൂപ്പര്‍ ഫാസ്റ്റില്‍ സഞ്ചരിച്ചു. സൂപ്പര്‍ ആണ് എന്ന് അറിയാതെ കയറി. എന്നാല്‍ അത് ഓടി തുടങ്ങിയപ്പോള്‍ പാസഞ്ചറിന് പോലും കടന്ന് പോകാന്‍ വഴി മാറി കൊടുക്കുന്നത് കണ്ടപ്പോള്‍ ആ സേവനത്തിന്റെ പരിതാപകരമായ അവസ്ഥ ഓര്‍ത്ത് ദു:ഖം തോന്നി. ഇന്ന് വേറേ ഒരു ദീര്‍ഘ ദൂര വണ്ടിയില്‍ യാത്ര ചെയ്തു. ലോകത്തിലെ ഏറ്റവും ഭയാനകമായ, വൃത്തി ഹീനമായ കാഴ്ച. . . ആ വണ്ടിയുടെ അവസ്ഥ അറിയുന്നത് കൊണ്ടാകണം അതില്‍ അധികം ആളുകള്‍ കയറുന്നുണ്ടായിരുന്നില്ല. . . എന്താ ഇന്ത്യന്‍ റെയില്‍വെ ഇനിയും എത്രയോ മാറ്റം വരണമെന്ന് തോന്നാന്‍ ഇനിയും കാരണങ്ങള്‍ വേണോ. . .??

LEAVE A REPLY

Please enter your comment!
Please enter your name here