ചെറുകിട സംരംഭകരേ, പലിശ ധനസഹായ കാലാവധി ഡിസംബര്‍ വരെ നീട്ടി

സഹായ പദ്ധതിയുടെ സവിശേഷതകള്‍

$ വ്യവസായ ഭദ്രത സ്‌കീമില്‍ പ്രഖ്യാപിച്ച പലിശ ധനസഹായത്തിന്റെ കാലാവധി ഡിസംബര്‍ 31 വരെ ദീര്‍ഘിപ്പിച്ചു.

$ എല്ലാ ചെറുകിട, സൂക്ഷ്മ, ഇടത്തരം സംരംഭങ്ങള്‍ക്കും ഒരു വര്‍ഷത്തേക്ക് 50 ശതമാനം പലിശ ധനസഹായം നല്‍കും. ഇത്തരത്തില്‍ ഒരു യൂണിറ്റിന് 1,20,000 രൂപ വരെ ലഭിക്കും.

$ സംരംഭകത്വ സഹായ പദ്ധതി പ്രകാരമുള്ള ധനസഹായം വര്‍ധിപ്പിക്കും. അര്‍ഹരായ യൂണിറ്റുകള്‍ക്കുള്ള സബ്‌സിഡി 20 ലക്ഷത്തില്‍ നിന്ന് 30 ലക്ഷമാക്കി ഉയര്‍ത്തി.

$ വ്യവസായ പിന്നോക്ക ജില്ലകളിലും മുന്‍ഗണനാ വ്യവസായ സംരംഭങ്ങള്‍ക്കും നല്‍കുന്ന സബ്‌സിഡി 30 ലക്ഷത്തില്‍ നിന്ന് 40 ലക്ഷം ആയി ഉയര്‍ത്തി.

$ മുന്‍ഗണനാ വ്യവസായ സംരംഭങ്ങളായ റബര്‍, കൃഷി, ഭക്ഷ്യസംസ്‌കരണം, വസ്ത്ര നിര്‍മാണം, പാരമ്പര്യേതര ഊര്‍ജ്ജ ഉല്‍പ്പാദനം, ഉപകരണ നിര്‍മാണം, ബയോടെക്‌നോളജി വ്യവസായം, പ്ലാസ്റ്റിക് മാലിന്യ സംസ്‌കരണ പുനരുപയോഗ യൂണിറ്റുകള്‍, ജൈവ- കീടനാശിനി നിര്‍മാണയൂണിറ്റുകള്‍ എന്നിവയ്ക്ക് 45 ശതമാനം സഹായം സബ്‌സിഡിയായി ലഭിക്കും.

$ നാനോ വ്യവസായ യൂണിറ്റുകള്‍ക്ക് 60 കോടി രൂപയുടെ ധനസഹായം നല്‍കും. നാനോ യൂണിറ്റുകളില്‍ അഞ്ച് ലക്ഷം രൂപ വരെ മൂലധന നിക്ഷേപമുള്ള യൂണിറ്റുകള്‍ക്കാണ് നിലവില്‍ പലിശ സബ്‌സിഡി. ഇത് 10 ലക്ഷം രൂപ വരെ മൂലധന നിക്ഷേപമുള്ള യൂണിറ്റുകള്‍ക്കും ലഭ്യമാക്കും.

$ കെ എസ് ഐ ഡി സിയില്‍ നിന്ന് വായ്പ എടുത്ത തുക ലോക്ക്ഡൗണ്‍ സാഹചര്യത്തില്‍ തിരിച്ചടയ്ക്കാന്‍ കഴിയാത്തവരുടെ എക്കൗണ്ടില്‍ ബാഡ് ഡെറ്റ് രേഖപ്പെടുത്തില്ല.

$ കെ എസ് ഐ ഡി സി വായ്പകള്‍ക്ക് പ്രഖ്യാപിച്ച മോറട്ടോറിയം ഈ മാസം വരെ നീട്ടി. മൂന്നു മാസത്തെ പലിശയും ഒഴിവാക്കി. ഒരു വര്‍ഷത്തേക്കുള്ള പിഴ പലിശയും ഏപ്രില്‍ മുതല്‍ ഒരു വര്‍ഷത്തേക്ക് ഒഴിവാക്കും.

$ ചെറുകിട - സൂക്ഷ്മ- ഇടത്തരം സംരംഭകര്‍ക്കായി അഞ്ച് ശതമാനം പലിശയില്‍ 100 കോടി് രൂപ വായ്പയായി നല്‍കും.

$ തിരിച്ചെത്തിയ പ്രവാസികള്‍ക്ക അഞ്ച് ശതമാനം പലിശ നിരക്കില്‍ വായ്പ അനുവദിക്കും.