Top

മുകേഷ് അംബാനിയും ബില്‍ഗേറ്റ്‌സും കൈകോര്‍ക്കുന്നു

മൈക്രോസോഫ്റ്റ് സ്ഥാപകന്‍ ബില്‍ ഗേറ്റ്‌സിന്റെ നേതൃത്വത്തിലുള്ള ബ്രേക്ക് ത്രൂ എനര്‍ജി വെഞ്ച്വേഴ്‌സില്‍ 50 ദശലക്ഷം ഡോളര്‍ നിക്ഷേപിക്കാനൊരുങ്ങി റിലയന്‍സ് ഇന്‍ഡസ്ട്രീസ്. ബ്രേക്ക് ത്രൂ എനര്‍ജിയില്‍ നിലവിലുള്ള ഫണ്ടിന്റെ 5.75 ശതമാനം വരുന്ന തുകയാണിത്. അടുത്ത 8-10 വര്‍ഷം കൊണ്ടാകും ഇത്രയും തുക ഈ സംരംഭത്തില്‍ നിക്ഷേപിക്കുക.

ക്ലീന്‍ എനര്‍ജി കമ്പനികളിലും കാര്‍ഷിക സാങ്കേതിക വിദ്യയിലും നിക്ഷേപം നടത്തുന്നതിലൂടെ പരിസ്ഥിതി പ്രശ്‌നങ്ങള്‍ക്ക് പരിഹാരം കാണാന്‍ ശ്രമിക്കുന്നതിനുള്ള കൂട്ടായ്മയാണ് ബ്രേക്ക് ത്രൂ എനര്‍ജി വെഞ്ചേഴ്‌സ്. ലഭ്യമാകുന്ന ഫണ്ട് പുനരുപയോഗ ഊര്‍ജ മേഖലയില്‍ നൂതനാശയങ്ങള്‍ വികസിപ്പിച്ചെടുക്കുന്നതിനായി വിനിയോഗിക്കുകയാണ് ബ്രേക്ക് ത്രൂ എനര്‍ജി ചെയ്യുന്നത്.

ബില്‍ഗേറ്റ്‌സിന് പുറമെ ജെഫ് ബെസോസ്, മൈക്ക്ള്‍ ബ്ലൂംബെര്‍ഗ്, ജാക്ക്മാ, മസയോഷി സണ്‍ തുടങ്ങി ആഗോളതലത്തിലുള്ള ബിസിനസുകാരും ഇതില്‍ പങ്കാളികളാണ്.

ഇന്ത്യയിലും മികച്ച സാധ്യതകളുള്ള ഈ മേഖലയിലെ നിക്ഷേപത്തിന് ഭാവിയില്‍ മികച്ച നേട്ടം ഉണ്ടാക്കാനാവുമെന്നാണ് കരുതുന്നതെന്ന് റിലയന്‍സ് വൃത്തങ്ങള്‍ പറയുന്നു.

Dhanam News Desk
Dhanam News Desk  

Related Articles

Next Story

Videos

Share it