Begin typing your search above and press return to search.
ആഭ്യന്തരയാത്രക്കാര്‍ക്ക് 'സീറോ ചേഞ്ച് ഫീ' ഓഫറുമായി സ്‌പൈസ് ജെറ്റ്
ഓഫറിലൂടെ യാതൊരു ചാര്‍ജും ഇല്ലാതെ തന്നെ ടിക്കറ്റിലെ തീയതിയോ പേരോ മാറ്റാം
രാജ്യത്തെ ആഭ്യന്തര യാത്രക്കാര്‍ക്ക് 'സീറോ ചേഞ്ച് ഫീ' ഓഫറുമായി സ്‌പൈസ് ജെറ്റ്. ഈ ഓഫറിലൂടെ യാതൊരു ചാര്‍ജും ഇല്ലാതെ തന്നെ ടിക്കറ്റിലെ തീയതിയോ പേരോ മാറ്റാവുന്നതാണ്. മാര്‍ച്ച് 27 നും ജൂണ്‍ 30 നും ഇടയില്‍ യാത്ര ചെയ്യുന്നതിനായി മാര്‍ച്ച് 27 നും ഏപ്രില്‍ 4 നും ഇടയില്‍ നടത്തുന്ന എല്ലാ ബുക്കിംഗുകള്‍ക്കും ഈ ഓഫര്‍ ബാധകമാകുമെന്ന് എയര്‍ലൈന്‍ പത്രക്കുറിപ്പില്‍ അറിയിച്ചു. എന്നാല്‍ കുറഞ്ഞത് യാത്ര ചെയ്യുന്നതിന് ഏഴ് ദിവസങ്ങള്‍ക്ക് മുമ്പെങ്കിലും മാറ്റങ്ങള്‍ വരുത്തണം.
'അഭൂതപൂര്‍വമായ ഈ സമയത്ത് യാത്രക്കാര്‍ക്ക് ചെലവ് ലാഭിക്കലാണ് ഈ ഓഫറിലൂടെ ലക്ഷ്യമിടുന്നത്. എന്നാല്‍ ഫ്‌ളൈറ്റ് മാറ്റുമ്പോഴുണ്ടാകുന്ന നിരക്ക് വ്യത്യാസം ഉപഭോക്താവ് തന്നെ നല്‍കേണ്ടതാണ്' കമ്പനി പത്രക്കുറിപ്പില്‍ വ്യക്തമാക്കി.
ഒരുതവണ ചാര്‍ജുകള്‍ ഒന്നും നല്‍കാതെ തന്നെ ടിക്കറ്റില്‍ മാറ്റം വരുത്തുവാന്‍ ഈ ഓഫര്‍ യാത്രക്കാരെ അനുവദിക്കുന്നുവെന്നും കമ്പനി അറിയിച്ചു.
Next Story