കേന്ദ്ര ബാങ്കുകളുടെ വാങ്ങലും ഇന്ത്യൻ ഇറക്കുമതിയും; സ്വർണ വില കയറുമോ?

ജൂൺ മാസത്തിൽ ഇന്ത്യ 2.61 ശതകോടി മൂല്യം വരുന്ന 49 ടൺ സ്വർണം ഇറക്കുകമതി ചെയ്തു എന്ന് റോയിട്ടേഴ്‌സ് ന്യുസ് ഏജൻസി റിപ്പോർട്ട് ചെയ്തു. മുൻ വർഷം ഇതേ കാലയളവിൽ 17 ടണ്ണാണ് ഇറക്കുമതി ചെയ്തത്. കുത്തനെ വർധിക്കുന്ന ഇറക്കുമതി തടയാനായി സ്വർണത്തിൻറ്റെ ഇറക്കുമതി തീരുവ . 7.5 ശതമാനത്തിൽ നിന്ന് 12.5 ശതമാനായി ഉയർത്തി. വരും മാസങ്ങളളിൽ ആഭരണ ഡിമാൻറ്റ് ഉയരുമെന്നതിനാൽ സ്വർണ ഇറക്കുമതിയിൽ കാര്യമായ ഇടിവ് പ്രതീക്ഷിക്കുന്നില്ല. എന്നാൽ ഇറക്കുമതി തീരുവ വർധിച്ച സാഹചര്യത്തിൽ സ്വർണ വില കൂടിയതുകൊണ്ട് ആഭരണ നിർമാതാക്കൾ ജൂലയിൽ വാങ്ങുന്നത് ചുരുക്കിയതായി റിപ്പോർട്ടുകൾ ഉണ്ട്. മുൻ വർഷത്തെ അപേക്ഷിച്ച് 2022 ആദ്യ പകുതിയിൽ സ്വർണ ഇറക്കുമതി 335 ടണ്ണായി കുറഞ്ഞിട്ടുണ്ട്. (മുൻ വർഷം 493 ടൺ ).