മാറ്റമില്ലാതെ തുടര്‍ന്ന് സ്വര്‍ണവില

സ്വര്‍ണവില മാറ്റമില്ലാതെ തുടരുന്നു. ഒരു ഗ്രാം 22 കാരറ്റ് സ്വര്‍ണത്തിന് ഇന്നലെ 15 രൂപ കുറഞ്ഞ് 5,570 രൂപയിലെത്തി നിന്നിരുന്നു. ഇതേ വിലയിലാണ് ഇന്നും സ്വര്‍ണവ്യാപാരം നടക്കുന്നത്. ഒരു പവന്‍ സ്വര്‍ണത്തിന് ഇന്നലെ 120 രൂപ കുറഞ്ഞ് 44,560 രൂപയിലെത്തിയിരുന്നു. ഇന്നും ഒരു പവന് ഇതേ വില തന്നെയാണ്.

ഒരു ഗ്രാം 18 കാരറ്റ് സ്വര്‍ണത്തിന്റെ വില ഇന്നും മാറ്റമില്ലാതെ തുടരുന്നു. 18 കാരറ്റ് സ്വര്‍ണത്തിന് ഇന്നലെ 10 രൂപ കുറഞ്ഞിരുന്നു. വിപണി വില 4,625 രൂപയാണ്.

വെള്ളിവില

വെള്ളിവിലയില്‍ ഇന്നു കാര്യമായ മാറ്റങ്ങളില്ലെങ്കിലും ഇന്നലെ വില കൂടിയിരുന്നു. ഒരു ഗ്രാം സാധാരണ വെള്ളിക്ക് ഇന്നലെ ഒരു രൂപ വര്‍ധിച്ച് 81 രൂപയായി. ഹോള്‍മാര്‍ക്ക് വെള്ളിയുടെ വില മാറ്റമില്ലാതെ 103 രൂപയായി തുടരുന്നു.