സ്വര്‍ണ വില കുറഞ്ഞു; ഒരു പവന്‍ ആഭരണത്തിന് ഇന്ന് എന്ത് നല്‍കണം?

18 കാരറ്റ് സ്വര്‍ണ വില അഞ്ച് രൂപ താഴ്ന്ന് 4,563 രൂപയുമായിട്ടുണ്ട്. രാജ്യാന്തര വില ഔണ്‍സിന് 1,953 ഡോളര്‍ നിലവാരത്തില്‍ നിന്ന് 1,946 ഡോളര്‍ നിലവാരത്തിലേക്ക് ഇന്നലെ താഴ്ന്നതാണ് സംസ്ഥാനത്തും വില കുറയാന്‍ വഴിയൊരുക്കിയത്.

സാധാരണ വെള്ളി വില ഗ്രാമിന് 80 രൂപയിലും വെള്ളി ആഭരണ വില 103 രൂപയിലും മാറ്റമില്ലാതെ തുടരുന്നു.

കഴിഞ്ഞ മേയ് അഞ്ചിലെ പവന്‍ വിലയായ 45,760 രൂപയാണ് സംസ്ഥാനത്ത് സ്വര്‍ണ വിലയുടെ എക്കാലത്തെയും ഉയരം. അന്ന് ഗ്രാമിന് 5,720 രൂപയായിരുന്നു. തുടര്‍ന്ന് ഇതുവരെ പവന് കുറഞ്ഞത് 1,760 രൂപയാണ്. ഗ്രാമിന് 220 രൂപയും.

നിലവില്‍ പവന്‍ വില 44,000 രൂപയാണ്. ഇതോടൊപ്പം മൂന്ന് ശതമാനം ജി.എസ്.ടി., 45 രൂപ എച്ച്.യു.ഐ.ഡി നിരക്ക്, ഏറ്റവും കുറഞ്ഞത് 5 ശതമാനം പണിക്കൂലി എന്നിവയും ചേരുമ്പോള്‍ ഒരു പവന്‍ സ്വര്‍ണാഭരണത്തിന് 47,600 രൂപയെങ്കിലും നല്‍കണം. ഒരു ഗ്രാം ആഭരണത്തിന് 6,000 രൂപയ്ക്കടുത്താകും വില.