കോവിഡ് രണ്ടാം തരംഗത്തിലും സെന്‍സെക്‌സും നിഫ്റ്റിയും ഉറച്ച് നില്‍ക്കുന്നതിങ്ങനെ; ജുന്‍ജുന്‍വാല വിശദമാക്കുന്നു
മൂന്നാമത്തെയും നാലാമത്തെയും പാദങ്ങളില്‍ ഇന്ത്യന്‍ കമ്പനികള്‍ കഴിഞ്ഞ അഞ്ച് വര്‍ഷത്തിലെ ഏറ്റവും വലിയ ലാഭ വളര്‍ച്ച രേഖപ്പെടുത്തി. കടുത്ത പ്രതിസന്ധിയിലും ഇന്ത്യന്‍ ഓഹരി വിപണി കരുത്തോടെ മുന്നേറുന്നതിന്റെ കാരണങ്ങള്‍ നിരത്തി ജുന്‍ജുന്‍വാല.
കൊറോണ വൈറസിന്റെ ഭീകരമായ രണ്ടാം തരംഗം രാജ്യത്തെ പിടിച്ചുലയ്ക്കുമ്പോളും ആഭ്യന്തര ഓഹരി വിപണി ഉറച്ചുനില്‍ക്കുന്നത് എന്തുകൊണ്ടാണെന്ന് വിശദമാക്കി ഇന്ത്യക്കാരുടെ സ്വന്തം വാരന്‍ ബഫറ്റ് രാകേഷ് ജുന്‍ജുന്‍വാല. 'ഈ ഘട്ടത്തില്‍ രാജ്യത്തെ വികാരം നെഗറ്റീവ് ആയിരിക്കാം, എന്നാല്‍ യാഥാര്‍ത്ഥ്യം നെഗറ്റീവ് അല്ല, അതിനാല്‍ അത് ദലാല്‍ സ്ട്രീറ്റിലും വെളിവാകുന്നു' ജുന്‍ജുന്‍ വാല പറഞ്ഞു. മൂന്നാമത്തെയും നാലാമത്തെയും പാദങ്ങളില്‍ ഇന്ത്യന്‍ കമ്പനികള്‍ കഴിഞ്ഞ അഞ്ച് വര്‍ഷത്തിനിടയിലെ ഏറ്റവും വലിയ ലാഭ വളര്‍ച്ച രേഖപ്പെടുത്തിയതും അദ്ദേഹം ചൂണ്ടിക്കാട്ടി.