നിഫ്റ്റിക്ക് 22,900ലെ പിന്തുണ നിര്‍ണായകം; ഇടിവ്‌ ഒഴിവാക്കാന്‍ മുകളില്‍ ക്ലോസ് ചെയ്യണം

നിഫ്റ്റി ഉയര്‍ന്ന് 23,038.90ല്‍ വ്യാപാരം തുടങ്ങി. രാവിലെ 23,110.90 എന്ന റെക്കോര്‍ഡ് ഉയരത്തിലെത്തി. എന്നാല്‍ ആവേശം തുടരുന്നതില്‍ പരാജയപ്പെട്ട സൂചിക 22,871.20 എന്ന ഇന്‍ട്രാഡേയിലെ ഏറ്റവും താഴ്ന്ന നിലയിലെത്തി. 22,932.45 ല്‍ ക്ലോസ് ചെയ്യുകയും ചെയ്തു.

ബാങ്കുകള്‍, റിയല്‍റ്റി, ധനകാര്യ സേവനങ്ങള്‍, ഐ.ടി എന്നിവയാണ് ഏറ്റവും കൂടുതല്‍ നേട്ടമുണ്ടാക്കിയ മേഖലകള്‍. മാധ്യമങ്ങള്‍, മെറ്റല്‍, എഫ്.എം.സി.ജി, ഓട്ടോ എന്നിവ കൂടുതല്‍ നഷ്ടം നേരിട്ടു. വിശാലവിപണി നെഗറ്റീവ് ആയിരുന്നു, 913 ഓഹരികള്‍ ഉയര്‍ന്നു. 1,554 എണ്ണം ഇടിഞ്ഞു, 139 എണ്ണം മാറ്റമില്ലാതെ തുടരുന്നു.

നിഫ്റ്റി 50ല്‍ ഡിവിസ് ലാബ്, ഇന്‍ഡസ് ഇന്‍ഡ് ബാങ്ക്, ആക്‌സിസ് ബാങ്ക്, അദാനി പോര്‍ട്‌സ് എന്നിവ ഏറ്റവും ഉയര്‍ന്ന നേട്ടമുണ്ടാക്കിയപ്പോള്‍, കൂടുതല്‍ നഷ്ടം നേരിട്ടത് അദാനി എന്റര്‍പ്രൈസസ്, വിപ്രോ, ഗ്രാസിം, ഒ.എന്‍.ജി.സി എന്നിവയാണ്.

നിഫ്റ്റി ഹ്രസ്വകാല, ദീര്‍ഘകാല മൂവിംഗ് ശരാശരികള്‍ക്ക് മുകളിലാണ്. മൊമെന്റം സൂചകങ്ങള്‍ പോസിറ്റീവ് പ്രവണത കാണിക്കുന്നു. എങ്കിലും സൂചിക പ്രതിദിന ചാര്‍ട്ടില്‍ ബ്ലാക്ക് കാന്‍ഡില്‍സ്റ്റിക്ക് രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേണ്‍ അല്പം നെഗറ്റീവ് പക്ഷപാതം സൂചിപ്പിക്കുന്നു. നിഫ്റ്റിക്ക് 22,900ല്‍ ഇന്‍ട്രാഡേ പിന്തുണയുണ്ട്, ഏറ്റവും അടുത്തുള്ള ഇന്‍ട്രാഡേ റെസിസ്റ്റന്‍സ് 23,030 ലെവലില്‍ തുടരുന്നു. 22,900 എന്ന ഇന്‍ട്രാഡേ സപ്പോര്‍ട്ട് ലെവലിന് താഴെ സൂചിക നിലനിന്നാല്‍ നെഗറ്റീവ് ബയസ് തുടരും. ഒരു പുള്‍ബാക്ക് റാലിക്ക്, സൂചിക 23,030 എന്ന പ്രതിരോധത്തെ മറികടക്കേണ്ടതുണ്ട്.

പിന്തുണ 22,900 -22,800 -22,700

പ്രതിരോധം 23,030 -23,150 -23,250

(15-മിനിറ്റ് ചാര്‍ട്ടുകള്‍)

ഹ്രസ്വകാല പിന്തുണ 22,800 -22,250

പ്രതിരോധം 23,300 -23,700.

ബാങ്ക് നിഫ്റ്റി 310.15 പോയിന്റ് നേട്ടത്തില്‍ 49,281.80ല്‍ ക്ലോസ് ചെയ്തു. മൊമെന്റം സൂചകങ്ങള്‍ പോസിറ്റീവ് പ്രവണത കാണിക്കുന്നു. സൂചിക ഹ്രസ്വകാല, ദീര്‍ഘകാല മൂവിംഗ് ശരാശരികള്‍ക്ക് മുകളിലാണ്. മാത്രമല്ല, സൂചിക പ്രതിദിന ചാര്‍ട്ടില്‍ വൈറ്റ് കാന്‍ഡില്‍ സ്റ്റിക്ക് രൂപപ്പെടുത്തി മുന്‍ ദിവസത്തെ ക്ലോസിംഗിനു മുകളില്‍ ക്ലോസ് ചെയ്തു. ഈ പാറ്റേണ്‍ ഉയര്‍ച്ച തുടരാനുള്ള സാധ്യത സൂചിപ്പിക്കുന്നു. സൂചികയ്ക്ക് 49,500ല്‍ ഹ്രസ്വകാല പ്രതിരോധമുണ്ട്. സൂചിക ഈ നിലവാരത്തിന് മുകളില്‍ ക്ലോസ് ചെയ്താല്‍, പോസിറ്റീവ് ട്രെന്‍ഡ് വരും ദിവസങ്ങളിലും തുടരാം. അടുത്തുള്ള ഇന്‍ട്രാഡേ പിന്തുണ 49,050 ലെവലിലാണ്.

49,050- 48,750- 48,500

49,300- 49,650- 49,950

(15 മിനിറ്റ് ചാര്‍ട്ടുകള്‍)

48,250 -47,000

പ്രതിരോധം 49,500 -50,600.