Begin typing your search above and press return to search.
സാങ്കേതിക വിശകലനം: സൂചികയുടെ ഗതി ഇനി താഴേക്കോ?
ഷെയര്‍ മാര്‍ക്കറ്റിന്റെയും ഓഹരികളുടെയും വിശകലനത്തില്‍ പരിചയ സമ്പന്നനും പ്രഗല്ഭനുമായ ജോസ് മാത്യു ടി.യുടെ പ്രതിദിന സാങ്കേതിക വിശകലനം
സാങ്കേതിക വിശകലനം
(ഡിസംബർ ഏഴിലെ മാർക്കറ്റ് ക്ലോസിംഗിനെ അടിസ്ഥാനമാക്കി)
നിഫ്റ്റി 18,560.50 ൽ നഷ്ടത്തോടെ ക്ലോസ് ചെയ്തു, ഇനി 18,500 നു താഴെ ക്ലോസ് ചെയ്താൽ ഹ്രസ്വകാല ട്രെൻഡ് താഴേക്ക് ആകാം.
നിഫ്റ്റി 82.25 പോയിന്റ് (0.44%) ഇടിഞ്ഞ് 18,560.50 ലാണ് ക്ലോസ് ചെയ്തത്. രാവിലെ നിഫ്റ്റി താഴ്ചയോടെ 18,638.80 ൽ വ്യാപാരം ആരംഭിച്ചു. രാവിലെ തന്നെ 18,668.30 എന്ന ദിവസത്തെ ഉയർന്ന നിലവാരം പരീക്ഷിച്ചു. പിന്നീട് സൂചിക ക്രമേണ താഴ്ന്ന് 18,528.40 എന്ന ഏറ്റവും താഴ്ന്ന നിലയിലെത്തി. 18,560.50 ൽ ക്ലോസ് ചെയ്തു.
എഫ്എംസിജിയും പൊതുമേഖലാ ബാങ്കും ഒഴികെയുള്ള എല്ലാ മേഖലകളും നഷ്ടത്തിൽ ക്ലോസ് ചെ.യ്തു. മാധ്യമങ്ങൾ, റിയൽറ്റി, മെറ്റൽ, ഐടി എന്നീ മേഖലകളിലാണ് കൂടുതൽ നഷ്ടമുണ്ടായത്. 778 ഓഹരികൾ ഉയർന്നു, 1397 എണ്ണം ഇടിഞ്ഞു, 148 എണ്ണം മാറ്റമില്ലാതെ തുടർന്നു, ഇത് നെഗറ്റീവ് പ്രവണത സൂചിപ്പിക്കുന്നു.
നേരിയ നെഗറ്റീവ് പ്രവണതയാണ് മൊമെന്റം സൂചകങ്ങളിലുള്ളത്. പ്രതിദിന ചാർട്ടിൽ, MACD ഒരു വിൽപ്പന സൂചന നൽകിയിട്ടുണ്ട്. ഡെയ്‌ലി ചാർട്ടിൽ സൂചിക കറുത്ത മെഴുകുതിരി രൂപപ്പെടുത്തി ദിവസത്തിലെ ഏറ്റവും താഴ്ന്ന നിലയ്ക്ക് അടുത്ത് ക്ലോസ് ചെയ്തു. നിഫ്റ്റിക്ക് 18,500-ൽ ഹ്രസ്വകാല പിന്തുണയുണ്ട്. സൂചിക ഈ നിലവാരത്തിന് താഴെ ക്ലോസ് ചെയ്താൽ, ഹ്രസ്വകാല ട്രെൻഡ് താഴേക്ക് തിരിയാം. ഇല്ലെങ്കിൽ, 18,500-ന് മുകളിലുള്ള സമീപകാല സമാഹരണം കുറച്ച് ദിവസത്തേക്ക് കൂടി തുടരാം.
പിന്തുണ - പ്രതിരോധ നിലകൾ
ഇൻട്രാഡേ സപ്പോർട്ട് ലെവലുകൾ 18,550-18,500-18,450
റെസിസ്റ്റൻസ് ലെവലുകൾ
18,620-18,670 -18,720 (15 മിനിറ്റ് ചാർട്ടുകൾ)
യുഎസ്, യൂറോപ്യൻ വിപണികൾ നഷ്ടത്തിലാണ് അവസാനിച്ചത്. ഏഷ്യൻ വിപണികൾ രാവിലെ താഴ്ന്നാണു വ്യാപാരം നടത്തുന്നത്. എസ്‌ജിഎക്‌സ് നിഫ്റ്റി 18,659 ലെവലിലാണ്. ഇത് മുൻ ക്ലോസിംഗിനേക്കാൾ കുറവാണ്. നിഫ്റ്റി ഇന്ന് താഴ്ന്ന നിലയിൽ വ്യാപാരം തുടങ്ങാം. വിദേശ നിക്ഷേപകർ 1,241.87 കോടിയുടെ ഓഹരികൾ വിറ്റു, സ്വദേശി നിക്ഷേപ സ്ഥാപനങ്ങൾ 388.85 കോടിയുടെ ഓഹരികൾ വാങ്ങി.
ബാങ്ക് നിഫ്റ്റി
ഹ്രസ്വകാല പ്രവണത - സമാഹരണം
ബാങ്ക് നിഫ്റ്റി 39.85 പോയിന്റ് താഴ്ന്ന് 43,098.70 എന്ന നിലയിലാണ് ക്ലോസ് ചെയ്തത്. മൊമെന്റം സൂചകങ്ങൾ നെഗറ്റീവ് പ്രവണത കാണിക്കുന്നു. സൂചിക ദൈനംദിന ചാർട്ടിൽ ഒരു ചെറിയ കറുത്ത മെഴുകുതിരി രൂപപ്പെടുത്തിയെങ്കിലും 43000 എന്ന പിന്തുണയ്‌ക്ക് മുകളിലായി തുടരുന്നു. സൂചിക ഈ നിലയ്ക്ക് താഴെ ക്ലോസ് ചെയ്യുകയാണെങ്കിൽ, വരും ദിവസങ്ങളിൽ കൂടുതൽ പ്രതികൂല നീക്കങ്ങൾ പ്രതീക്ഷിക്കാം. ഇൻട്രാഡേ പ്രതിരോധം 43,500 ആണ്. ബുള്ളിഷ് ട്രെൻഡിന്റെ തുടർച്ചയ്ക്ക്, സൂചിക ഈ നിലയ്ക്ക് മുകളിൽ ക്ലോസ് ചെയ്യേണ്ടതുണ്ട്.
ഇൻട്രാഡേ സപ്പോർട്ട് ലെവലുകൾ 42,960-42,800-42,600
റെസിസ്റ്റൻസ് ലെവലുകൾ
43,100-43,300-43,500 (15 മിനിറ്റ് ചാർട്ടുകൾ)
Next Story
Videos