കൂടുതൽ താഴ്ചയിലേക്കു വിപണി; അഡാനി ഗ്രൂപ്പ് മാത്രം കുതിപ്പിൽ

താഴ്ന്നു തുടങ്ങി, വീണ്ടും താഴ്ന്നു. പിന്നീടു ചാഞ്ചാടി. ഇന്ന് ഓഹരി വിപണി ദൗർബല്യം കാണിക്കുകയാണ്. ടിസിഎസും മാരുതിയും ഒഴിച്ചുള്ള സെൻസെക്സ് ഓഹരികളെല്ലാം ഒരു ഘട്ടത്തിൽ താഴ്ചയിലായിരുന്നു. വിലക്കയറ്റ- പലിശ ആശങ്കകൾക്കു പുറമേ ഏഷ്യൻ ഓഹരികൾ താഴാേട്ടു പോയതും യുഎസിൽ ടെക് ഓഹരികൾ ഇടിയുന്നതും ലോഹ വിലകൾ താഴുന്നതും ഒക്കെ വിപണിയെ ബാധിച്ചു. ബാങ്കുകളും ഐടിയും ലോഹങ്ങളും റിയൽറ്റിയും അടക്കം എല്ലാ മേഖലകളും താഴോട്ടു തന്നെ നീങ്ങി. ഉച്ചയ്ക്കു ചില്ലറ വിലക്കയറ്റത്തിൻ്റെ കണക്കു പുറത്തു വന്ന ശേഷം വിപണിഗതി മാറുമോ എന്നാണു നിക്ഷേപകർ നോക്കുന്നത്.