കോവി ഡ് വ്യാപനം : താഴ്ചയിൽ ചാഞ്ചാടി ഓഹരി വിപണി

മഹാമാരി സാമ്പത്തിക വളർച്ചയെ ബാധിക്കുമെന്ന് വിവിധ ഏജൻസികൾ ചൂണ്ടിക്കാട്ടുന്നതും വിപണി ഗൗരവത്തോടെ കാണുന്നു. ഇരട്ടയക്ക് വളർച്ച പ്രതീക്ഷിച്ച സ്ഥാനത്ത് ഒറ്റയക്ക വളർച്ചയേ ഉണ്ടാകൂ എന്നാണു പുതിയ നിഗമനം. അമേരിക്കൻ, ഏഷ്യൻ ഓഹരി വിപണികളിലെ ഉണർവ് ഇന്ത്യയിലേക്കു വരാത്തത് ഈ സാഹചര്യത്തിലാണ്.

ബാങ്ക്, ധനകാര്യ ഓഹരികളാണു താഴ്ചയ്ക്കു മുന്നിൽ. ഫാർമ കമ്പനികൾ നേട്ടമുണ്ടാക്കി.

രൂപ ഇന്നും താണു. ഡോളർ 38 പൈസ വർധിച്ച് 75.25 രൂപയിലാണു തുടങ്ങിയത്.

ക്രൂഡ് ഓയിൽ വില 64.6 ഡോളർ വരെ താണിട്ട് 65.08 ഡോളറിലേക്കു കയറി.

സ്വർണ വില ഔൺസിന് 1793 - 1794 മേഖലയിൽ തുടരുന്നു. കേരളത്തിൽ പവന് 200 രൂപ ഉയർന്ന് 36,080 രൂപയായി. ഫെബ്രുവരി രണ്ടിനു ശേഷം ഇതാദ്യമായാണ് പവൻ 36,000 രൂപയ്ക്കു മുകളിലായത്.