വിപണി ചാഞ്ചാടുന്നു; എൽഐസി ഉയരുന്നു

നേട്ടത്തോടെ വ്യാപാരം തുടങ്ങാൻ ശ്രമിച്ചെങ്കിലും മുഖ്യസൂചികകൾ നഷ്ടത്തിലാണു രാവിലെ വ്യാപാരമാരംഭിച്ചത്. പിന്നീടു രണ്ടു മൂന്നു തവണ നേട്ടത്തിലായെങ്കിലും ആ നേട്ടം നിലനിർത്താനായില്ല. മെറ്റൽ, എഫ്എംസിജി, ഓയിൽ -ഗ്യാസ്, റിയൽറ്റി എന്നിവ ഒഴികെയുളള ബിസിനസ് വിഭാഗങ്ങളെല്ലാം ഇന്നു മുന്നേറി. ബാങ്ക് ഓഹരികൾ കയറിയിറങ്ങി. തുടക്കത്തിൽ ഒരു ശതമാനം നഷ്ടത്തിലായ റിലയൻസ് ഇൻഡസ്ട്രീസ് പിന്നീട് ഉയർന്നു. അതോടെ മുഖ്യസൂചികകൾ നേട്ടത്തിലായി. വ്യാപാരം ഒരു മണിക്കൂർ പിന്നിടുമ്പോൾ മുഖ്യസൂചികകൾ നാമമാത്ര നേട്ടത്തിലാണ്.