ബാങ്കുകളും ധനകാര്യ കമ്പനികളും പിന്തുണച്ചു; ഓഹരി വിപണിയിൽ ആശ്വാസ റാലിയിൽ

61,000 നു മുകളിലേക്കു സെൻസെക്സ് തിരിച്ചു കയറിക്കൊണ്ടാണ് ഇന്നു വ്യാപാരമാരംഭിച്ചത്. നിഫ്റ്റി 18,300നു മുകളിലെത്തി. വിപണിയുടെ ആശ്വാസ റാലിക്ക് ബാങ്കുകളും ധനകാര്യ കമ്പനികളും നല്ല പിന്തുണ നൽകുകയും ചെയ്തു. അര മണിക്കൂറിനകം മുഖ്യസൂചികകൾ തലേന്നത്തെ നഷ്ടമെല്ലാം നികത്തി. പിന്നീട് അൽപം താണു. ബാങ്ക് നിഫ്റ്റി 40,500 നടുത്തേക്കു കയറി റിക്കാർഡിടുകയും ചെയ്തു. നിഫ്റ്റി റിയൽറ്റി രണ്ടു ശതമാനത്തിലേറെ ഉയർന്നു.