ഓഹരി വിപണിയിൽ ആദ്യം കയറ്റം, പിന്നെ ഇടിവ്; എഫ്എംസിജി കമ്പനികൾ താഴാേട്ട്

വിപണി മുന്നേറ്റം തുടരുകയാണെന്നു തോന്നിച്ച ശേഷം ഇടിഞ്ഞു. കോവിഡിൻ്റെ പുതിയ വകഭേദത്തെപ്പറ്റി അധികം ആശങ്ക വേണ്ടെന്നു വ്യക്തമായി. ഇന്ത്യയുടെ സാമ്പത്തിക വളർച്ചത്തോതു മെച്ചപ്പെട്ടു വരുന്നതിൻ്റെ പുറത്തു വരുന്നതും വിപണിയെ സന്തോഷിപ്പിക്കുന്നു. വ്യവസായങ്ങൾക്കുള്ള ബാങ്ക് വായ്പ വർധിക്കുന്നതായി റിസർവ് ബാങ്കിൻ്റെ റിപ്പോർട്ടിൽ പറയുന്നു. ഇതെല്ലാം അനുകൂല ഘടകങ്ങളായി ഉണ്ടായിട്ടും വിപണി താണു.സെൻസെക്സ് 296 പോയിൻ്റ് കയറി 58,757-ൽ എത്തിയ ശേഷമാണു താഴോട്ടു വീണത്.