പ്രീമിയം ഫാനുകളിൽ മികച്ച വളർച്ച, ഈ ഓഹരി 38% ഉയരാം

1. മൊത്തം വരുമാനം ഒരു ശതമാനം വർധിച്ച് 1,877 കോടി രൂപയായി. നികുതിക്കും പലിശക്കും മുൻപുള്ള വരുമാനം 18% ഇടിഞ്ഞ്‌

225 കോടി രൂപയായി.

2. ഇലക്ട്രിക്കൽ കൺസ്യൂമർ ഡ്യൂറബിൾസ് വിഭാഗത്തിൽ 6% വളർച്ച കൈവരിച്ചു. അതിൽ വാട്ടർ ഹീറ്റർ, എയർ കൂളർ വിഭാഗത്തിലാണ് ഏറ്റവും അധികം വളർച്ച ഉണ്ടായത് -11 %. ഫാനുകളിൽ നിന്നുള്ള വരുമാനം 5% വർധിച്ചു -അതിൽ പ്രീമിയം വിഭാഗത്തിൽ 22 % വളർച്ച നേടാൻ കഴിഞ്ഞു. ഇലക്ട്രിക്ക് ചിമ്മിനി, ഹോബ് എന്നിവയുടെ ബിസിനസിൽ 7 കോടി രൂപയുടെ നഷ്ടം ഉണ്ടായി. ഈ വിഭാഗത്തിൽ മാർജിൻ 4.25 % കുറ

ഞ്ഞ്‌ 12.7 ശതമാനമായി. ബ്രാൻഡിംഗ് ചെലവുകളും ഉത്പന്ന വിലകൾ വർധിപ്പിക്കാൻ വൈകിയതും, പുതിയ ഉത്പന്നങ്ങൾ പുറത്തിറക്കിയതും മാർജിൻ കുറയാൻ കാരണമായി.

3. ലൈറ്റിംഗ് വിഭാഗത്തിൽ 13% വരുമാനം കുറഞ്ഞു, ബട്ടർ ഫ്‌ളൈ അപ്ലയൻസസ് ബിസിനസിൽ 14 % വരുമാന കുറവ് ഉണ്ടായി. വിതരണ ശൃംഖല മെച്ചപ്പെടുത്തി വരുമാനം വർധിപ്പിക്കാനാണ് ലക്‌ഷ്യം. മിക്സർ ഗ്രൈൻഡർ വിഭാഗത്തിൽ 50% വളർച്ച കൈവരിക്കാൻ സാധിച്ചു.

4. പ്രീമിയം ഫാനുകൾ പുറത്തിറക്കുന്നത് കൊണ്ട് ഉണ്ടായ അധിക ചെലവ്, പമ്പുകളുടെ വിലയിൽ ഉണ്ടായ തിരുത്തൽ എന്നിവ കാരണം മാർജിൻ 0.60 % കുറഞ്ഞു - 31 %.

5. ജീവനക്കാരുടെ ചെലവ് വർധിച്ചില്ലെങ്കിലും പരസ്യ, പ്രചാരണ ചെലവുകൾ 4.5% വർധിച്ചു.

6. വിവിധ ബിസിനസ് വിഭാഗങ്ങളിൽ വിപണനം ശക്തിപെടുത്തിയും ഗവേഷണത്തിലൂടെ നൂതന ഉത്പന്നങ്ങൾ പുറത്തിറക്കിയും 2022 -23 മുതൽ 2025 -26 കാലയളവിൽ വരുമാനത്തിൽ 12% വളർച്ച പ്രതീക്ഷിക്കുന്നു. EBIT മാർജിൻ 14.5 -15% (2023 -24 മുതൽ 2025-26).

നിക്ഷേപകർക്കുള്ള നിർദേശം -വാങ്ങുക (Buy)

Stock Recommendation by HDFC Securities.

(Equity investing is subject to market risk. Always do your own research before investing)