Begin typing your search above and press return to search.
15000 കോടി രൂപയുടെ പുതിയ പദ്ധതികൾ ലക്ഷ്യമിടുന്നു, ജി ആർ ഇൻഫ്രാ ഓഹരികൾ പരിഗണിക്കാം
പദ്ധതി നേരത്തെ പൂർത്തിയാക്കിയതിന് 130 കോടി രൂപയുടെ ബോണസ്, 17,700 കോടി രൂപയുടെ പദ്ധതികൾ നടപ്പാക്കുന്നു
- 1995 ൽ സ്ഥാപിതമായ ജി ആർ ഇൻഫ്രാ പ്രോജെക്ടസ് (GR Infra Projects Ltd) റോഡുകൾ, പാലങ്ങൾ, റെയിൽവേ, മെട്രോ, തുരങ്കങ്ങൾ തുടങ്ങി നിരവധി വൻ പദ്ധതികൾ നടപ്പാക്കിയിട്ടുണ്ട്. 2022 -23 ആദ്യ പാദത്തിൽ വരുമാനം 16.10 % വർധിച്ച് 2476.68 കോടി രൂപയായി. അറ്റാദായം 57.6 % വർധിച്ച് 321.09 കോടി രൂപയായി.
- പൂർവാഞ്ചൽ ഹൈവേ നിർമാണം നേരത്തെ പൂർത്തിയാക്കിയതിന് 130 കോടി രൂപ ബോണസ് ലഭിച്ചു. 2021 -22 ൽ ലഭിച്ചത് 9400 കോടി രൂപയുടെ പുതിയ ഓര്ഡറുകളാണ്. സാമ്പത്തിക വർഷം അവസാനത്തിൽ ഓർഡർ ബുക്കിൽ 17,000 കോടി രൂപയുടെ പദ്ധതികൾ. 2022 -23 കമ്പനി ലക്ഷ്യമിടുന്നത് 15,000 കോടി രൂപയുടെ ഓർഡറുകൾ.
- 2021 -22 ൽ 10 പുതിയ ഓർഡറുകൾ ലഭിച്ചതിൽ 8 എണ്ണം എച്ച് എ എം (ഹൈബ്രിഡ് ആന്വിറ്റി മോഡൽ), ഒരു മെട്രോ പദ്ധതിയും, ഒരു വൈദ്യുത വിതരണ പദ്ധതിയും ഉൾപ്പെടും.
- കേന്ദ്ര സർക്കാർ ഈ വർഷം ഹൈവേ, പാലങ്ങൾ തുടങ്ങിയ അടിസ്ഥാന സൗകര്യങ്ങൾ വികസിപ്പിക്കുന്നതിന് 2.3 ലക്ഷം കോടിയുടെ പദ്ധതികളാണ് ആരംഭിക്കുന്നത്. ഇത് നിർമാണ കമ്പനികൾക്ക് കൂടുതൽ കരാറുകൾ ലഭിക്കാൻ സഹായിക്കും.
- ജി ആർ ഇൻഫ്രാ യുടെ കരുത്ത് ശക്തമായ ഇൻഹൗസ് എഞ്ചിനിയറിംഗ് ആൻഡ് ഡിസൈൻ ടീമാണ്. കേന്ദ്ര സംഭരണ ടീമും, മികച്ച പദ്ധതി നടത്തിപ്പ് ടീമും ഉണ്ട്. അതിനാൽ പദ്ധതികൾ നേരത്തെ നടപ്പാക്കിയത് കൊണ്ട് കമ്പനിക്ക് മൊത്തം ലഭിച്ച ബോണസ് 4300 കോടി രൂപയാണ്.
- റോഡുകളും, പാലങ്ങളും, മെട്രോ പദ്ധതികൾ കൂടാതെ വൈദ്യുതി വിതരണ പദ്ധതികൾ ഏറ്റെടുത്തു നടത്താനം തുടങ്ങിയിട്ടുണ്ട്. 2021 -22 ൽ 4300 കോടി രൂപയുടെ വൈദ്യുതി വിതരണ പദ്ധതികൾ ലഭിച്ചു. വെള്ളം, വൈദ്യുതി, ഇന്ധനം, അസംസ്‌കൃത വസ്തുക്കൾ എന്നിവയുടെ വിവേകപൂർണായ ഉപയോഗം പാരിസ്ഥിതിക പ്രശ്നങ്ങൾ കുറയ്ക്കാനും പുനരുപയോഗ ഊർജം കൂടുതൽ ഉപയോഗപ്പെടുത്താനും കഴിയുന്നുണ്ട്.
- 2021 -22 മുതൽ 2023 -24 കാലയളവിൽ വരുമാനം 12 % വർധിക്കുമെന്ന് പ്രതീക്ഷിക്കുന്നു. പലിശക്കും, നികുതിക്കും,മറ്റും മുൻപുള്ള മാർജിൻ 16-18 ശതമാനമായിരിക്കും.
- കേന്ദ്ര സർക്കാർ ദേശിയ പാത വികസനത്തിന് വേണ്ടി പുതിയ പദ്ധതികൾ നടപ്പാക്കുന്നത്, പദ്ധതി നടത്തിപ്പിൽ മികവ്, ബിസിനസ് വിപുലീകരണം തുടങ്ങിയ കാരണങ്ങൾ കൊണ്ട് ജി ആർ ഇൻഫ്രയുടെ സാമ്പത്തിക ഫലം മെച്ചപ്പെടുമെന്ന് പ്രതീക്ഷിക്കുന്നു.
നിക്ഷേപകർക്കുള്ള നിർദേശം -വാങ്ങുക (Buy)
ലക്ഷ്യ വില 1630 രൂപ
നിലവിൽ 1228.
(Stock Recommendation by Motilal Oswal Financial Services)
Next Story
Videos