വ്യാവസായിക പെയിൻറ്റുകൾക്ക് ഡിമാൻറ്റ് കൂടുന്നു, വാങ്ങാം കൻസായി നെരോലാക്ക് പെയിൻറ്റ്‌സ് ഓഹരികൾ

• 2022 -23 ആദ്യ പാദത്തിൽ അറ്റ വരുമാനം 47.1 % വർധിച്ച് 1994.6 കോടി രൂപയായി. അലങ്കാര പെയിൻറ്റ്‌സ് വിഭാഗത്തിൽ 20 %, വ്യാവസായിക വിഭാഗത്തിൽ 30 % വിൽപ്പന വർധനവ് ഉണ്ടായി. അസംസ്‌കൃത വസ്തുക്കളുടെ വില 7 % കൂടിയതിനാൽ 2 % ഉൽപ്പന്ന വിലയിൽ വർധനവ് വരുത്തി. എങ്കിലും മൊത്തം മാർജിൻ 4.6 % ഇടിഞ്ഞ് 29.9 ശതമാനമായി.
• നികുതിക്കും, പലിശക്കും മറ്റും മുൻപുള്ള ആദായം (EBITDA) 34.7 % വർദ്ധിച്ച് 255.6 കോടി രൂപയായി. അറ്റാദായം 37 % വർധിച്ച് 162.9 കോടി രൂപയായി. EBITDA മാർജിൻ 1.15 % കുറഞ്ഞ് 12.4 ശതമാനമായി.
• സെമികണ്ടക്റ്റർ ദൗർലഭ്യം മാറിയതോടെ ഓട്ടോമോട്ടീവ് പെയിൻറ്റ്‌സ് വിഭാഗത്തിൽ ഡിമാൻറ്റ് വർധിച്ചു. മാർജിൻ കുറവുള്ള വ്യാവസായിക പെയിൻറ്റുകളിൽ നിന്ന് മാറി മാർജിൻ കൂടുതൽ കിട്ടുന്ന പ്രീമിയം പെയിൻറ്റ്‌സ് വിൽപ്പന്ന വർധിപ്പിച്ചു. വ്യാവസായിക പെയിൻറ്റുകളുടെ വിൽപ്പന യിൽ നിന്ന് മൊത്തം വരുമാനത്തിൻ റ്റെ 45 % ലഭിക്കുമെന്ന് പ്രതീക്ഷിക്കുന്നു.
• ഒന്നും, രണ്ടും നിര നഗരങ്ങളിൽ (Tier 1 & 2 cities ) നിന്ന് 40 % ബിസിനസും ബാക്കി ഗ്രാമീണ മേഖലയിൽ നിന്നുമാണ് ലഭിക്കുന്നത്.
• 2021 -22 മുതൽ 2023 -24 കാലയളവിൽ വരുമാനത്തിൽ 15.5 % സംയുക്ത വാർഷിക വളർച്ച നിരക്ക് കൈവരിക്കുമെന്ന് പ്രതീക്ഷിക്കുന്നു.
• രൂപയുടെ മൂല്യം ഇടിഞ്ഞതും , പണപെരുപ്പം, ക്രൂഡ് ഓയിൽ ഉൽപ്പന്നങ്ങളുടെ വിലക്കയറ്റം എന്നിവ കൻസായി നെരോലാക്ക് കമ്പനിക്ക് വെല്ലുവിളിയായി. മികച്ച ചെലവ് മാനേജ്മമെൻറ്റിലൂടെയും പ്രീമിയം ഉൽപ്പന്നങ്ങൾക്ക് ഊന്നൽ നൽകിയും മാർജിൻ ഇടിവ് തടയാൻ കഴിഞ്ഞു.
• അടിസ്ഥാന സൗകര്യ മേഘല, റിയൽ എസ്റ്റേറ്റ്, ഓട്ടോമോട്ടീവ് വിഭാഗങ്ങളിൽ നിന്ന് പെയിന്റുകളുടെ ഡിമാൻറ്റ് വർധിക്കും.
• വിപണിയിൽ ശക്തമായ ബ്രാൻഡ് സാന്നിധ്യം, വ്യാവസായിക പെയിൻറ്റ്‌സ് വിഭാഗത്തിൽ മികച്ച വളർച്ച തുടങ്ങിയ കാരണങ്ങളാൽ കൻസായി നെരോലാക്ക് പെയിൻറ്റ്‌സിന് മെച്ചപ്പെട്ട സാമ്പത്തിക ഫലം നേടാൻ സാധിക്കും.

നിക്ഷേപകർക്കുള്ള നിർദേശം -വാങ്ങുക (Buy)

ലക്ഷ്യ വില -567 രൂപ

നിലവിൽ 506

(Stock Recommendation by Geojit Financial Services )