Begin typing your search above and press return to search.
ഇന്ത്യയിലേക്ക് ജപ്പാന്‍ നിക്ഷേപമെത്തുമോ? പ്രധാനമന്ത്രിമാരുടെ കൂടിക്കാഴ്ച ഇന്ന്
ഇന്ത്യയില്‍ 42 ബില്യണ്‍ ഡോളര്‍ നിക്ഷേപിക്കാനുള്ള പദ്ധതി ജപ്പാന്‍ പ്രധാനമന്ത്രി ഫ്യൂമിയോ കിഷിദ പ്രഖ്യാപിക്കുമെന്ന് റിപ്പോര്‍ട്ടുകളുണ്ട്
ഇന്ത്യയില്‍ വന്‍ നിക്ഷേപത്തിനൊരുങ്ങി ജപ്പാന്‍. ഇന്‍ഡോ-പസഫിക് മേഖലയിലുടനീളമുള്ള സുരക്ഷാ ബന്ധങ്ങള്‍ ശക്തിപ്പെടുത്താന്‍ ലക്ഷ്യമിട്ട് ജപ്പാന്‍ പ്രധാനമന്ത്രി ഫ്യൂമിയോ കിഷിദ ശനിയാഴ്ച ന്യൂഡല്‍ഹിയില്‍ ഇന്ത്യന്‍ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടക്കാനിരിക്കെയാണ് ജപ്പാന്‍ നിക്ഷേപ പദ്ധതിക്കൊരുങ്ങുന്നതായ റിപ്പോര്‍ട്ടുകള്‍ പുറത്തുവന്നത്. ഇന്ത്യയിലെ സന്ദര്‍ശനവേളയില്‍ അഞ്ച് വര്‍ഷത്തിനുള്ളില്‍ 5 ട്രില്യണ്‍ യെന്‍ (42 ബില്യണ്‍ ഡോളര്‍) നിക്ഷേപിക്കാനുള്ള പദ്ധതി ഫ്യൂമിയോ കിഷിദ പ്രഖ്യാപിക്കുമെന്ന് ജപ്പാനിലെ നിക്കി പത്രം റിപ്പോര്‍ട്ട് ചെയ്തു.
നേരത്തെ, 2014-ല്‍ മുന്‍ ജാപ്പനീസ് പ്രധാനമന്ത്രി ഷിന്‍സോ ആബെ ഇന്ത്യാ സന്ദര്‍ശന വേളയില്‍ 3.5 ട്രില്യണ്‍ യെന്‍ നിക്ഷേപവും ധനസഹായവും പ്രഖ്യാപിച്ചിരുന്നു. 2020ല്‍ ജപ്പാനും ഇന്ത്യയും പ്രതിരോധ സേനകള്‍ക്കിടയില്‍ ഭക്ഷണം, ഇന്ധനം, മറ്റ് സാധനങ്ങള്‍ എന്നിവ കൈമാറുന്ന ക്രോസ്-സര്‍വീസിംഗ് കരാറിലും ഒപ്പുവച്ചിരുന്നു. ഇന്ത്യയുടെ അടിസ്ഥാന വികസന പ്രവര്‍ത്തനങ്ങള്‍ക്കും ബുള്ളെറ്റ് ട്രെയ്‌നിനെ അടിസ്ഥാനമാക്കിയുള്ള അതിവേഗ റെയ്ല്‍വേയ്ക്കും ജപ്പാന്‍ പിന്തുണയ്ക്കുന്നുണ്ട്.
Next Story
Videos