ചലോ.. ആനവണ്ടി! ഒടുവില്‍ കെ.എസ്.ആര്‍.ടി.സിയും ഡിജിറ്റലാകുന്നു; പരീക്ഷണയോട്ടം തുടങ്ങി
യു.പി.ഐ വഴിയും ടിക്കറ്റെടുക്കാം
Image : Canva
കാലത്തിനൊപ്പം മുന്നേറാന്‍ ഒടുവില്‍ കേരളത്തിന്റെ ആനവണ്ടിയും. കെ.എസ്.ആര്‍.ടി.സി ബസുകളില്‍ പരീക്ഷണാടിസ്ഥാനത്തില്‍ ഓണ്‍ലൈന്‍ പണമിടപാട് സംവിധാനം നടപ്പാക്കുന്നത് ആരംഭിച്ചു. ചലോ (Chalo) ആപ്പ് വഴിയാണ് പദ്ധതി നടപ്പാക്കുന്നത്.
കെ.എസ്.ആര്‍.ടി.സിയില്‍ ഇനി ബോര്‍ഡില്‍ ഇംഗ്ലീഷും മലയാളവും
കെ.എസ്.ആര്‍.ടി.സി ബസുകളിലെ ബോര്‍ഡില്‍ ഇനി മലയാളത്തിന് പുറമേ ഇംഗ്ലീഷുമുണ്ടാകും. ബോര്‍ഡ് നേര്‍പകുതിയാക്കിയാണ് ഇരുഭാഷകളിലും സ്ഥലപ്പേരുകള്‍ എഴുതുക. ഔദ്യോഗിക വാഹനങ്ങളിലും ഇരുഭാഷകളും വേണമെന്ന് സര്‍ക്കാര്‍ നിര്‍ദേശിച്ചിട്ടുണ്ട്. മുന്‍ഭാഗത്ത് മലയാളത്തിലും പിന്നില്‍ ഇംഗ്ലീഷിലുമാകണം ബോര്‍ഡുകള്‍.
മലയാളം ഔദ്യോഗിക ഭാഷയായി പൂര്‍ണമായും നടപ്പാക്കുന്നതിന്റെ ഭാഗമായി, ഉദ്യോഗസ്ഥരുടെ സീലുകളും മലയാളത്തിലാക്കും. ഓഫീസുകളിലെ ബോര്‍ഡുകളും നേര്‍പകുതിയാക്കി ഇംഗ്ലീഷും മലയാളവും ഉപയോഗിക്കും.