Begin typing your search above and press return to search.
ചൂട് ഇനിയും കൂടുമെന്ന് മുന്നറിയിപ്പ്; വടക്കൻ ജില്ലകളിൽ 8 ഡിഗ്രിയിലധികം ഉയരും
കേരളത്തില് വരും ദിവസങ്ങളില് ചൂട് ശരാശരിയില് നിന്നും കൂടുവാനുള്ള സാധ്യതയുണ്ടെന്ന് ദുരന്ത നിവാരണ അതോറിറ്റിയുടെ മുന്നറിയിപ്പ്. വടക്കൻ ജില്ലകളിൽ രണ്ട് ഡിഗ്രി മുതല് എട്ട് ഡിഗ്രി വരെ ചൂട് കൂടിയേക്കും.
കേരളത്തില് പൊതുവില് 2 മുതല് 4 ഡിഗ്രി വരെയും പാലക്കാട്, തൃശൂര്, മലപ്പുറം, കോഴിക്കോട് മേഖലയില് മാര്ച്ച് 5 ന് ശരാശരിയില്നിന്നും 8 ഡിഗ്രിയില് അധികം ചൂട് വര്ദ്ധിക്കുവാന് സാധ്യതയുണ്ടെന്നും അനുമാനമുണ്ട്.
ഇപ്പറഞ്ഞ സാഹചര്യങ്ങളിൽ സൂര്യാഘാതം ഒഴിവാക്കാനായി പൊതുജനങ്ങള് താഴെപ്പറയുന്ന കാര്യങ്ങൾ ശ്രദ്ധിക്കണമെന്നും അതോറിറ്റി നിർദേശിക്കുന്നു.
- പൊതുജനങ്ങള് 11 am മുതല് 3 pm വരെയെങ്കിലും നേരിട്ട് സൂര്യപ്രകാശം എല്ക്കുന്നത് ഒഴിവാക്കണം
- നിര്ജലീകരണം തടയാന് കുടിവെള്ളം എപ്പോഴും കയ്യില് കരുതുക
- അസുഖബാധിതർ 11 am മുതല് 3 pm വരെ സൂര്യപ്രകാശം എല്ക്കുന്നത് ഒഴിവാക്കുക
- പരമാവധി ശുദ്ധജലം കുടിക്കുക
- അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക
- വിദ്യാര്ത്ഥികളുടെ പരീക്ഷാക്കാലമായതിനാല് സ്കൂള് അധികൃതരും രക്ഷിതാക്കളും പ്രത്യേകശ്രദ്ധ പുലര്ത്തേണ്ടതാണ്. ദുരന്തനിവാരണ അതോറിറ്റിയും ആരോഗ്യവകുപ്പും തൊഴില് വകുപ്പും നല്കുന്ന നിര്ദ്ദേശങ്ങള് എല്ലാവരും പാലിക്കണം.
- വേനല്ക്കാലത്ത് താപനില ക്രമാതീതമായി ഉയരുന്നതിനാല് തൊഴിലാളികള്ക്ക് സൂര്യാഘാതം ഏല്ക്കാനുള്ള സാധ്യത മുന്നിര്ത്തി, സൂര്യപ്രകാശം നേരിട്ട് എല്ക്കേണ്ടി വരുന്ന തൊഴില് സമയം പുനഃക്രമീകരിച്ച് ലേബര് കമ്മീഷണര് ഉത്തരവിട്ടിട്ടുണ്ട്. തൊഴില്ദാതാക്കള് ഈ നിര്ദേശം പാലിക്കുക.
Next Story