പണപ്പെരുപ്പം വർധിക്കുന്നു, എങ്കിലും ദീപാവലി കച്ചവടം പൊടിപൊടിക്കുന്നു

കാറുകൾ, ടെലിവിഷൻ, മൊബൈൽ, കംപ്യൂട്ടർ കൂടാതെ പുതിയ ഭവനങ്ങൾ എന്നിവയിൽ എല്ലാം വിൽപ്പന വർധിക്കുകയാണ് . ഓഫ് ലൈൻ വിൽപ്പന 15.2 ശതകോടി ഡോളറായി ഉയരുമെന്ന് കരുതുന്നു. 2019 ൽ ദീപാവലി സീസണിൽ 8.5 ശതകോടി ഡോളർ വിൽപ്പന യാണ് നടന്നത്. ഫ്ലിപ്കാർട്, ആമസോൺ തുടങ്ങിയ ഓൺലൈൻ പ്ലാറ്റഫോം വഴി 11.8 ശതകോടി ഡോളർ വിൽപ്പന്ന ഉണ്ടാകും.

പൂജ, ദീപാവലി ആഘോഷം കൂടാതെ കല്യാണ സീസണും കൂടി ഒത്തുവരുമ്പോൾ സെപ്റ്റംബർ -നവംബർ മാസങ്ങൾ കൺസ്യൂമർ ഡ്യൂറബിൾസ് കമ്പനികൾക്ക് ചാകരയാണ്. 2018 ന് ശേഷം ഓൺലൈൻ ഉപഭോക്താക്കളുടെ എണ്ണത്തിൽ നാലിരട്ടി വർധനവ് ഉണ്ടായി. നിലവിൽ 200 ദശലക്ഷം ഉപഭോക്താക്കൾ ഓൺലൈൻ ഷോപ്പിംഗ് നടത്തുന്നവരാണ്.

കൺസ്യൂമർ വാങ്ങൽ വർധിക്കുന്ന സാഹചര്യത്തിൽ 2022 -23 ൽ ഇന്ത്യയുടെ മൊത്തം ആഭ്യന്തര ഉൽപ്പാദനം 6.5 ശതമാനത്തിൽ അധികം വളരുമെന്ന് കരുതുന്നു. അതെ സമയം വികസിത രാജ്യങ്ങൾ എല്ലാം മാന്ദ്യ ഭീതിയിലാണ്.