Begin typing your search above and press return to search.
15 ബില്യണ്‍ ഡോളര്‍ കമ്പനിയായി വളരാനൊരുങ്ങി ബൈജൂസ്
ഫെയ്സ്ബുക്ക് സഹസ്ഥാപകന്‍ എഡ്വേര്‍ഡോ സാവെറിന്‍ സ്ഥാപിച്ച ബി ക്യാപിറ്റല്‍ നിക്ഷേപകരില്‍ ഉള്‍പ്പെടുന്നു. കമ്പനിയുടെ 2021 ലെ ആദ്യ ധനസമാഹരണമാണ് ഇത്. കൂടുതലറിയാം.
Image : Byju Raveendran
ഇന്ത്യയുടെ സ്വന്തം എഡ്യൂടെക് ഭീമന്‍ ബൈജൂസ് പുതിയ കുതിച്ചുചാട്ടത്തിലെന്ന് റിപ്പോര്‍ട്ട്. ഒരു കൂട്ടം നിക്ഷേപകരില്‍ നിന്നും 500-600 മില്യണ്‍ ഡോളര്‍ സമാഹരിക്കുന്നതിനായി പുതിയ ചര്‍ച്ചയിലെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ഈ നിക്ഷേപം കൂടെ എത്തുമ്പോള്‍ കമ്പനിയുടെ മൂല്യനിര്‍ണ്ണയം 14-15 ബില്യണ്‍ ഡോളറിലേക്ക് ഉയരുമെന്നും വ്യക്തമാകുന്നു. നിലവില്‍ 12 ബില്യനാണ് കമ്പനിയുടെ മൂല്യം.
ഫെയ്സ്ബുക്ക് സഹസ്ഥാപകന്‍ എഡ്വേര്‍ഡോ സാവെറിന്‍ സ്ഥാപിച്ച ബി ക്യാപിറ്റല്‍ നിക്ഷേപകരില്‍ ഉള്‍പ്പെടുന്നു. ചില യുഎസ് നിക്ഷേപകരും ഇക്കൂട്ടത്തില്‍ പെടുമത്രെ. 700 - 800 ദശലക്ഷം ഡോളര്‍ വലുപ്പമുള്ള ആകാശ് എഡ്യൂക്കേഷന്‍ സര്‍വീസസ് ഏറ്റെടുക്കുന്നതിനായുള്ള പ്രാഥമിക മൂലധന ഇന്‍ഫ്യൂഷനാണിത്. ബ്രിക്ക് ആന്‍ഡ് മോര്‍ട്ടര്‍ ടെസ്റ്റ് പ്രിപ്പറേഷന്‍ കോച്ചിംഗ് ശൃംഖലയാണ് ഇത്.
കരാര്‍ ഇതുവരെ പ്രഖ്യാപിച്ചിട്ടില്ലെങ്കിലും, ബൈജു ആകാശ് എഡ്യൂക്കേഷന്‍ സര്‍വീസസ് ഒരു ബില്യണ്‍ ഡോളറിന് സ്വന്തമാക്കുമെന്ന് ജനുവരിയില്‍ റിപ്പോര്‍ട്ട് ചെയ്യപ്പെട്ടിരുന്നു. കമ്പനിയുടെ 2021 ലെ ആദ്യ ധനസമാഹരണമാണ് ഇത്.
ആകാശ് എഡ്യൂക്കേഷന്‍ സര്‍വീസസ് ഇടപാടിന്റെ 70% പണമായും 30% ഷെയര്‍ സ്വാപ്പിലൂടെയും ആണെന്നാണ് ബന്ധപ്പെട്ട വൃത്തങ്ങള്‍ വ്യക്തമാക്കുന്നത്. ഏതാനും ആഴ്ചകള്‍ക്കുള്ളില്‍ ഇടപാട് നടക്കുമെന്നും ഇവര്‍ പറഞ്ഞതായി ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നു.
മുംബൈ ആസ്ഥാനമായുള്ള ടോപ്പര്‍ വാങ്ങുന്നതിനുള്ള അവസാന ഘട്ടത്തിലാണ് ഇപ്പോള്‍ കമ്പനി. ഇതില്‍ 50 മില്യണ്‍ ഡോളര്‍ പണവും ബാക്കി സ്റ്റോക്ക് ഉണ്ടായിരിക്കും. ആഗോളതലത്തിലുള്ള വിപൂലീകരണമാണ് കമ്പനി ലക്ഷ്യമിട്ടിരിക്കുന്നത്.
കഴിഞ്ഞ രണ്ട് വര്‍ഷത്തിനുള്ളില്‍ ബൈജു ഏറ്റെടുത്ത മൂന്നാമത്തെ വലിയ ഏറ്റെടുക്കലാണ് ഇത്. 2019 ല്‍ യുഎസ് ആസ്ഥാനമായുള്ള ഓസ്‌മോയെ 120 മില്യണ്‍ ഡോളറിന് കമ്പനി സ്വന്തമാക്കി. 2020 ഓഗസ്റ്റില്‍, ബൈജു സ്വന്തമാക്കിയ വൈറ്റ്ഹാറ്റ് ജൂനിയര്‍, കുട്ടികള്‍ക്കുള്ള ഓണ്‍ലൈന്‍ കോഡിംഗ് ക്ലാസുകളില്‍ ശ്രദ്ധ കേന്ദ്രീകരിച്ച എഡ്-ടെക് സ്ഥലത്തെ മറ്റൊരു സ്റ്റാര്‍ട്ടപ്പ് ആണ്.
Next Story
Videos