വാഹന വിപണിക്ക് ഇതെന്തു പറ്റി? മാരുതിയും ഹ്യുണ്ടായിയും ഇഴയുന്നു, ഫാസ്റ്റ്ട്രാക്കില്‍ ടൊയോട്ട

ഇരുചക്ര വാഹനങ്ങള്‍ക്ക് ഓഗസ്റ്റില്‍ മികച്ച ഡിമാന്‍ഡുണ്ട്. ബജാജ് ഓട്ടോയുടെ ബൈക്ക് വില്‍പ്പന 29.7 ശതമാനം വര്‍ധനയോടെ 2.08 ലക്ഷം കടന്നു. ടി.വി.എസ് ബൈക്ക് വിഭാഗത്തില്‍ 11.4 ശതമാനം വളര്‍ച്ചയോടെ 1.70 ലക്ഷം വാഹനങ്ങള്‍ വിറ്റഴിച്ചപ്പോള്‍ സ്‌കൂട്ടറുകളില്‍ വളര്‍ച്ച 14.8 ശതമാനമാണ്. മൊത്തം 1.63 ലക്ഷമായി. മോപ്പഡുകളില്‍ 22.3 ശതമാനം വളര്‍ച്ചയുണ്ട്.

ഹീറോ മോട്ടോകോര്‍പ്പ് ബൈക്ക് വില്‍പ്പനയില്‍ 4.8 ശതമാനം വളര്‍ച്ച നേടി. ഐഷര്‍ മോട്ടോഴ്‌സ് മാത്രമാണ് ഓഗസ്റ്റില്‍ വില്‍പ്പനയില്‍ ഇടിവു രേഖപ്പെടുത്തിയത്. 5.1 ശതമാനം കുറവാണ് വന്നത്.

കയറ്റുമതി കൂടി

ഓഗസ്റ്റില്‍ രാജ്യത്ത് നിന്നുള്ള വാഹന കയറ്റുമതി മെച്ചപ്പെട്ടു. മാരുതി 26,003 വാഹനങ്ങളാണ് കയറ്റി അയച്ചത്. 5.6 ശതമാനം വര്‍ധനയുണ്ട്. മഹീന്ദ്ര ആന്‍ഡ് മഹീന്ദ്ര 3,060 വാഹനങ്ങളും വിറ്റഴിച്ചു.

ഇരുചക്ര വാഹനങ്ങളില്‍ ടി.വി.എസിന്റെ കയറ്റുമതിയില്‍ 14.2 ശതമാനവും ബജാജ് ഓട്ടോയുടേത് 5.4 ശതമാനവും എസ്‌കോര്‍ട്‌സ് 3.5 ശതമാനവും കയറ്റുമതി വളര്‍ച്ച നേടി.കയറ്റുമതിയിലും ഐഷര്‍മോട്ടോഴ്‌സ് ആണ് തിരിച്ചടി നേരിട്ടത്. മുന്‍ വര്‍ഷത്തെ ഓഗസ്റ്റിനെ അപേക്ഷിച്ച് 2.2 ശതമാനമാണ് ഇടിവ്.