ആര്‍ബിഐ നല്‍കുന്നു 4.75 കോടി രൂപ! സന്ദേശത്തിന് പിന്നിലെ വാസ്തവമെന്താണ്
നിരവധിപേര്‍ക്കാണ് ഇതിനോടകം ഇത്തരം സന്ദേശം ലഭിച്ചത്.
ഈയിടെ പലര്‍ക്കും മെയില്‍ സന്ദേശമെത്തി, ആര്‍ബിഐ നഷ്ടപരിഹാരമായി 4.75 കോടി രൂപ നല്‍കുന്നുവെന്ന സന്ദേശത്തോടെ. അത്തരത്തിലൊരു ഫണ്ടും ആര്‍ബിഐ നല്‍കുന്നില്ലെന്നും ആരെയും ഫോണ്‍ കോളിലൂടെയോ ഇ-മെയിലിലൂടെയോ ബന്ധപ്പെടുന്നില്ലെന്നും ആര്‍ബിഐ വ്യക്തമാക്കി.
വ്യാജം എന്ത്?
- ആര്‍ബിഐ ഉദ്യോഗസ്ഥരെന്ന വ്യാജേനയാണ് സന്ദേശങ്ങള്‍ എത്തുന്നത്
- നഷ്ടപരിഹാരം, വിദേശത്തുനിന്ന് ഫണ്ട്, ലോട്ടറി അടിച്ചത് തുടങ്ങി വിവിധ തരത്തില്‍ ഫണ്ടുകള്‍ വാഗ്ദാനം ചെയ്താണ് സന്ദേശമെത്തുന്നത്
മുന്‍കരുതല്‍ എങ്ങനെ?
- ആര്‍ബിഐ ഒരിക്കലും ഫണ്ട് വാഗ്ദാനം ചെയ്തുള്ള സന്ദേശം അയക്കില്ല
- www.rbi.org.in ഇതാണ് ആര്‍ബിഐയുടെ ഔദ്യോഗിക വെബ്സൈറ്റ്. 'Reserve Bank', 'RBI' തുടങ്ങിയ പേരുകളില്‍ വ്യാജ ലോഗോ ഉള്‍പ്പെടുത്തിയാണ് പല മെയിലുകളും
- ഇത്തരം മെയിലുകള്‍ ശ്രദ്ധയില്‍ പെട്ടാല്‍ പോലിസിലോ സൈബര്‍ ക്രൈം വിഭാഗത്തെയോ അറിയിക്കുക
ഇ-മെയില്‍ തട്ടിപ്പ് തടയാന്‍ ഈ 4 വഴികള്‍
1.ക്ലിക്ക് ചെയ്യുന്നതിനു മുമ്പ് ഇ-മെയില്‍, എസ്എംഎസ് ആയി എത്തുന്ന ലിങ്കുകളുടെ ആധികാരികത പരിശോധിക്കുക.
2.വ്യക്തികത/സാമ്പത്തിക വിവരങ്ങള്‍ ഇന്റര്‍നെറ്റ് വഴി ഒരിക്കലും പങ്കുവെക്കരുത്
3.അറ്റാച്ച്മെന്റ് ഡൗണ്‍ലോഡ് ചെയ്യുമ്പോള്‍ ജാഗ്രത പാലിക്കുക
4.പരിചയക്കാരെന്ന വ്യാജേന വരുന്ന, സംശയാസ്പദമായ മെയിലുകളും മെസേജുകളും തുറക്കാതിരിക്കുക