ധനം ബിസിനസ് സമിറ്റ് ആന്‍ഡ് അവാര്‍ഡ് നൈറ്റ് 2024: കോര്‍പ്പറേറ്റ് കേരളത്തിന്റെ മഹാസംഗമം നാളെ
ധനം ബിസിനസ് എക്‌സലന്‍സ് അവാര്‍ഡുകള്‍ വേദിയില്‍ വെച്ച് സമ്മാനിക്കും. ടാറ്റ സ്റ്റീല്‍ ഗ്ലോബല്‍ സിഇഒ ടി വി നരേന്ദ്രന്‍ മുഖ്യാതിഥി
അസ്ഥിരതകളും സാങ്കേതിക മുന്നേറ്റങ്ങളും നിറഞ്ഞ പുതിയ യുഗത്തില്‍ ആത്മവിശ്വാസത്തോടെ ബിസിനസിനെ നയിക്കാന്‍ നേതൃനിരയിലുള്ളവര്‍ക്ക് ഉള്‍ക്കാഴ്ച പകര്‍ന്നേകാന്‍ സവിശേഷമായി രൂപകല്‍പ്പന ചെയ്ത ധനം ബിസിനസ് സമിറ്റ് ആന്‍ഡ് അവാര്‍ഡ് നൈറ്റ് 2024 കൊച്ചി ലെ മെറിഡിയന്‍ കണ്‍വെന്‍ഷന്‍ സെന്ററില്‍ നാളെ നടക്കും. ധനം ബിസിനസ് മീഡിയയുടെ ആഭിമുഖ്യത്തില്‍ നടക്കുന്ന ഈ കോര്‍പ്പറേറ്റ് കേരളത്തിന്റെ മഹാസംഗമത്തില്‍ മുഖ്യാതിഥിയായി സംബന്ധിക്കുന്നത് ടാറ്റ സ്റ്റീല്‍ ഗ്ലോബല്‍ സി ഇ ഒ ടി വി നരേന്ദ്രനാണ്. ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് എങ്ങനെ ബിസിനസ് വളര്‍ത്താം എന്ന വിഷയത്തെ ആസ്പദമാക്കി രാജ്യാന്തര ആര്‍ട്ടിഫിഷ്യല്‍ ഇന്റലിജന്‍സ് വിദഗ്ധന്‍ ആദിത്യ ബെര്‍ലിയ മാസ്റ്റര്‍ ക്ലാസ് നയിക്കും. മലബാര്‍ ഗോള്‍ഡ് ആന്‍ഡ് ഡയമണ്ട്‌സ് സ്ഥാപകന്‍ എം പി അഹമ്മദ് പ്രത്യേക പ്രഭാഷണം നടത്തും.
കൂടുതല്‍ വിവരങ്ങള്‍ക്ക് വെബ്‌സൈറ്റ്: https://dhanambusinesssummit.com/