സ്വര്‍ണക്കയറ്റത്തിനിടയില്‍ ഒരു തിരിച്ചിറക്കം, രാജ്യാന്തര തലത്തില്‍ ലാഭമെടുപ്പിന്റെ മൂക്കുകുത്തല്‍
വെള്ളി വിലയിലും ഇടിവ്
സംസ്ഥാനത്ത് സ്വര്‍ണ വില കുത്തനെ ഇടിഞ്ഞു. ഗ്രാമിന് 55 രൂപ കുറഞ്ഞ് 7,230 രൂപയും പവന് 440 രൂപ കുറഞ്ഞ് 57,840 രൂപയുമായി. ഈ ആഴ്ച ആദ്യമായാണ് സ്വര്‍ണ വിലയില്‍ ഇടിവു രേഖപ്പെടുത്തുന്നത്. ഇന്നലെ വിലയില്‍ മാറ്റമുണ്ടായില്ലെങ്കിലും അതിനു മുന്‍പ് തുടര്‍ച്ചയായി മൂന്ന് ദിവസം വില മുന്നേറ്റത്തിലായിരുന്നു. 1,360 രൂപയോളമാണ് കൂടിയത്.
18 കാരറ്റും വെള്ളിയും
കനം കുറഞ്ഞ ആഭരണങ്ങള്‍ നിര്‍മിക്കാനുപയോഗിക്കുന്ന 18 കാരറ്റ് സ്വര്‍ണ വിലയും ഗ്രാമിന് 45 രൂപ കുറഞ്ഞ് 5,970 രൂപയിലെത്തി.
സ്വര്‍ണ വില കൂടുമോ?
ഒരു പവന് ആഭരണത്തിന് വില
ഇന്ന് ഒരു പവന് സ്വര്‍ണാഭരണത്തിന് വില 57,840 രൂപയാണ്. എന്നാല്‍ നിങ്ങള്‍ക്കിഷ്ടപ്പെട്ട ഒരു പവന് ആഭരണം കടയില്‍ നിന്ന് വാങ്ങാന്‍ ഈ തുക മതിയാകില്ല. ഇന്നത്തെ പവന് വിലയ്ക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്‍ണത്തിനും പണിക്കൂലിക്കും മൂന്ന് ശതമാനം നികുതി. 45 രൂപ ഹാള്‍മാര്‍ക്ക് ചാര്‍ജ്, അതിന് 18 ശതമാനം നികുതി എന്നിവയും ചേര്‍ത്ത് കൃത്യമായി പറഞ്ഞാല്‍ 62,607 രൂപ നല്‍കേണ്ടി വരും. തിരഞ്ഞെടുക്കുന്ന ആഭരണങ്ങളുടെ ഡിസൈനുകള്‍ക്കനുസരിച്ച് പണിക്കൂലിയില്‍ വ്യത്യാസം വരും. ബ്രാന്‍ഡഡ് ജുവലറികള്‍ക്ക് 20 ശതമാനം വരെയൊക്കെ പണിക്കൂലി ഈടാക്കാറുണ്ട്.