പൊന്നിന്‍ കുതിപ്പ് തുടരുന്നു, ഈ വര്‍ഷത്തെ ഏറ്റവും ഉയര്‍ന്ന വിലയില്‍, ഈ മാസം കൂടിയത് 1,320 രൂപ
മുന്നേറ്റം തുടര്‍ന്നാല്‍ വരും ദിവസങ്ങളില്‍ പുതിയ റെക്കോഡ് തൊട്ടേക്കാം;
സംസ്ഥാനത്ത് സ്വര്‍ണ വിലയില്‍ ഇന്നും മുന്നേറ്റം തുടരുന്നു. ഗ്രാമിന് 30 രൂപ വര്‍ധിച്ച് 7,315 രൂപയും പവന് വില 240 ഉയര്‍ന്ന് 58,520 രൂപയുമായി. തുടര്‍ച്ചയായ നാലാം ദിവസമാണ് സ്വര്‍ണ വില ഉയരുന്നത്. ഈ വര്‍ഷം ഇതു വരെ 1,320 രൂപയുടെ വര്‍ധനയാണ് വിലയിലുണ്ടായത്. അതേസമയം, കഴിഞ്ഞ ഒക്ടോബര്‍ 31ന് കുറിച്ച പവന് 59,640 രൂപ എന്ന റെക്കോഡില്‍ നിന്ന് 1,120 രൂപയുടെ കുറവുണ്ട്.
മുന്നേറ്റത്തിന് കാരണം
ആഭരണത്തിന് ചെലവേറും
ഇന്ന് ഒരു പവന് സ്വര്‍ണാഭരണത്തിന് വില 58,520 രൂപയാണ്. എന്നാല്‍ നിങ്ങള്‍ക്കിഷ്ടപ്പെട്ട ഒരു പവന് ആഭരണം കടയില്‍ നിന്ന് വാങ്ങാന്‍ കൂടുതല്‍ തുക മുടക്കണം. ഇന്നത്തെ പവന് വിലയ്‌ക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്‍ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്‍മാര്‍ക്ക് ചാര്‍ജ്, അതിന് 18 ശതമാനം നികുതി എന്നിവയും ചേര്‍ത്ത് കൃത്യമായി പറഞ്ഞാല്‍ 63,342 രൂപ നല്‍കേണ്ടി വരും. തിരഞ്ഞെടുക്കുന്ന ആഭരണങ്ങളുടെ ഡിസൈനുകള്‍ക്കനുസരിച്ച് പണിക്കൂലിയില്‍ വ്യത്യാസം വരും. ബ്രാന്‍ഡഡ് ജുവലറികള്‍ക്ക് 20 ശതമാനം വരെയൊക്കെ പണിക്കൂലി ഈടാക്കാറുണ്ട്.