സംരംഭകരെ മനസില്‍ സെറ്റ് ചെയ്യൂ; പ്രായവും സാഹചര്യവും ഡെസ്റ്റിനേഷനും പ്രശ്‌നമാക്കേണ്ട -വെന്‍ ബിസ്‌കോണ്‍ 2024ല്‍ പേളി മാണി, വിജി വെങ്കിടേഷ്
വനിത സംരംഭക സംഗമത്തിന് ഗ്രാൻഡ് ഹയാത്തിൽ തുടക്കമായി
വെൻ ബിസ്കോൺ വിജി വെങ്കടേഷ് ഉദ്ഘാടനം ചെയ്യുന്നു. ലൈല സുധീഷ്, മും തസ് ഖാലിദ് ഇസ്മാഇൽ, നിമിൻ ഹിലാൽ, ബീന മനോജ്, പുഷ്പി മുരിക്കൻ, ഷീല കൊച്ചൗസേപ്, അംബിക പിള്ള, പേളി മാണി, പോൾ റോബിൻസൺ, ദിവ്യ തോമസ്, സി കെ കുമരവേൽ, മരിയ എബ്രഹാം എന്നിവർ സമീപം
കാറിൽ കയറി ജി.പി. എസ് ഓൺ ആക്കി യാത്ര തുടങ്ങില്ലേ, അതുപോലെ മനസ്സിൽ ഭാവിയിലേക്കൊരു ലൊക്കേഷൻ സെറ്റ് ചെയ്ത് മുന്നോട്ടു പോകൂ. പ്രായമോ, പണമോ, മറ്റ് കാര്യങ്ങളോ പ്രശ്നമല്ല. മറ്റുള്ളവരുടെ ജീവിതം ഈസി ആക്കാനുള്ള ഒരു ഉൽപ്പന്നം അല്ലെങ്കിൽ ഒരു സേവനം അത് നൽകാൻ കഴിഞ്ഞാൽ ഓരോ സംരംഭവും വിജയമാകും"-പ്രശസ്ത യൂട്യൂബറും അവതാരകയും നടിയും പേളി പ്രൊഡക്ഷന്‍ സഹസ്ഥാപകയുമായ പേളി മാണിയുടെ ഊർജ്ജസ്വലമായ വാക്കുകളോടെയാണ് വനിതാ സംരംഭക സംഘടനയായ വിമന്‍ എന്‍ട്രപ്രണേഴ്‌സ് നെറ്റ്‌വര്‍ക്ക് (വെന്‍) ഫൗണ്ടേഷന്‍ സംഘടിപ്പിച്ച സംരംഭക സംഗമം, 'വെന്‍ ബിസ്‌കോണ്‍ 2024' ന് തുടക്കം കുറിച്ചത്.