എല്ലാം മനസിലാക്കിയെന്ന എന്റെ മിഥ്യാധാരണ മാറി: കല്യാണ്‍ സില്‍ക്‌സിന്റെ പട്ടാഭിരാമന്‍
വര്‍ണാഭമായ വേദിയില്‍ ധനം റീറ്റെയല്‍ അവാര്‍ഡുകള്‍ സമ്മാനിച്ചു
ധനം റീറ്റെയലര്‍ ഓഫ് ദി ഇയര്‍ അവാര്‍ഡ് കല്യാണ്‍ സില്‍ക്‌സ് ചെയര്‍മാനും മാനേജിംഗ് ഡയറക്ടറുമായ ടി.എസ് പട്ടാഭിരാമന്‍ ഏറ്റുവാങ്ങുന്നു
വര്‍ഷങ്ങളായി റീറ്റെയ്ല്‍ രംഗത്തുള്ള എനിക്ക് ഈ മേഖലയെ കുറിച്ച് എല്ലാം അറിയാമെന്നായിരുന്നു ധാരണ. പക്ഷേ ധനം റീറ്റെയ്ല്‍, ഫ്രാഞ്ചൈസ് സമിറ്റിലെ ഇന്‍ഫ്‌ളുവന്‍സേഴ്‌സിനെ അണി നിരത്തിയുള്ള പാനല്‍ ചര്‍ച്ച കണ്ടപ്പോള്‍ ആ മിഥ്യാധാരണ മാറി. കാരണം എനിക്ക് അവരെ ആരെയും തന്നെ അറിയില്ല, എന്നാല്‍ അവര്‍ പറഞ്ഞ കാര്യങ്ങള്‍ എനിക്ക് ഒരു പുതിയ അറിവായിരുന്നുവെന്ന് കല്യാണ്‍ സില്‍ക്‌സ് ചെയര്‍മാനും മാനേജിംഗ് ഡയറക്ടറുമായ ടി.എസ് പട്ടാഭിരാമന്‍. ധനം റീറ്റെയ്‌ലര്‍ ഓഫ് ദി ഇയര്‍ അവാര്‍ഡ് ഏറ്റു വാങ്ങി സംസാരിക്കുകയായിരുന്നു അദ്ദേഹം.
ഇങ്ങനെയൊരു വേദിയിലേക്ക് ക്ഷണിച്ചതില്‍ 'ധനത്തിനോട്' നന്ദി പറയുന്നു. അടുത്ത മാര്‍ച്ചിനുള്ളില്‍ കേരളത്തില്‍ കല്യാണ്‍ ഗ്രൂപ്പില്‍ നിന്നുള്ള ഫാസ്റ്റ് ഫാഷന്‍ ബ്രാന്‍ഡായ ഫാസിയോയുടെ 10 ഷോറൂമുകള്‍ തുറക്കുമെന്ന് അദ്ദേഹം പറഞ്ഞു.