പ്രതിസന്ധിയുടെ സൂചനകളെ തിരിച്ചറിയാന്‍ വ്യവസായികള്‍ക്ക് കഴിയണം- ടി.വി നരേന്ദ്രന്‍
ചുറ്റുപാടുകളെ നിരീക്ഷിക്കണം, മാറ്റങ്ങളെ ഉള്‍കൊള്ളണം.
കൊച്ചി ലെ മെറിഡിയനില്‍ നടന്ന ധനം ബിസിനസ് സമ്മിറ്റില്‍ ടാറ്റാ സ്റ്റീല്‍ ഗ്ലോബല്‍ സി.ഇ.ഒയും മാനേജിംഗ് ഡയറക്ടറുമായ ടി.വി. നരേന്ദ്രന്‍ സംസാരിക്കുന്നു.
ലോകത്തിന്റെ ഏത് ഭാഗങ്ങളില്‍ ഉടലെടുക്കുന്ന പ്രതിസന്ധികളുടെയും സൂചനകളെ തന്നെ തിരിച്ചറിയാന്‍ വ്യവസായികള്‍ക്ക് കഴിയണമെന്ന് ടാറ്റ സ്റ്റീല്‍ ഗ്ലോബല്‍ സി.ഇ.ഒയും മാനേജിംഗ് ഡയറക്ടറുമായ ടി.വി നരേന്ദ്രന്‍ അഭിപ്രായപ്പെട്ടു. ധനം ബിസിനസ് സമ്മിറ്റില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.കോവിഡ് പോലെ പെട്ടെന്നുണ്ടാകുന്ന പ്രതിസന്ധികളുടെ സൂചനകളെ നേരത്തെ തന്നെ തിരിച്ചറിയാന്‍ കഴിയുകയും പെട്ടെന്ന് തന്നെ ആ സാഹചര്യത്തോട് സ്വയം രൂപപ്പെടുത്താന്‍ കഴിയുകയും വേണം.
പ്രസംഗിക്കുന്നതിനപ്പുറം കേള്‍ക്കുന്ന സാസ്‌കാരം വളര്‍ത്തണം. നിരന്തരം ആശയ വിനിമയം നടത്തുക. വ്യത്യസ്ത ചിന്താഗതികളെ എങ്ങനെ ഉള്‍ക്കൊള്ളാനാവും എന്ന് ചിന്തിച്ചു പ്രവര്‍ത്തിക്കണമെന്നും അദ്ദേഹം കൂട്ടിച്ചേർത്തു .