ഇന്ത്യയിലെ ഇന്നൊവേഷന്‍: ശ്രദ്ധിച്ചോ ഈ കണക്കുകള്‍
ഇന്ത്യയില്‍ നൂതന ആശയങ്ങളുടെ വരവ് എത്രമാത്രം?
പേറ്റന്റുകള്‍, ട്രേഡ്മാര്‍ക്കുകള്‍, കോപ്പ്‌റൈറ്റ്‌സ് എന്നിവയില്‍ ഇന്ത്യയില്‍ വളരെ മികച്ച വളര്‍ച്ചയാണ് സമീപകാലത്തുള്ളത്. 2021ല്‍ 28,000 പേറ്റന്റുകള്‍ക്കാണ് അനുമതി ലഭിച്ചത്. ട്രേഡ്മാര്‍ക്ക് രജിസ്‌ട്രേഷന്‍ 2.5 ലക്ഷമായി. ഇതേ വര്‍ഷം കോപ്പിറൈറ്റ് രജിസ്‌ട്രേഷനുകളുടെ എണ്ണം 16,000 മായി. 2013-14 കാലയളവില്‍ പേറ്റന്റ്, കോപ്പിറൈറ്റ്‌സ്, ട്രേഡ്മാര്‍ക്ക് രജിസ്‌ട്രേഷനുകളുടെ എണ്ണം യഥാക്രമം 4,000, 40,000, 70,000 എന്നിങ്ങനെയായിരുന്നു.
ഏറ്റവും പുതിയ ഗ്ലോബല്‍ ഇന്നൊവേഷന്‍ സൂചികയില്‍ ഇന്ത്യ പട്ടികയില്‍ 81ാം സ്ഥാനത്തുനിന്ന് 46ാമത് എത്തി നിലമെച്ചപ്പെടുത്തിയിട്ടുമുണ്ട്. വരും വര്‍ഷങ്ങളില്‍ ഈ രംഗത്ത് വലിയൊരു കുതിച്ചുചാട്ടമാണ് വിദഗ്ധര്‍ അനുമാനിക്കുന്നത്.