തൊഴില്‍ വീസയില്‍ ഇന്ത്യക്കാര്‍ക്ക് യു.എ.ഇയുടെ കടിഞ്ഞാണ്‍; മലയാളികള്‍ക്കും തിരിച്ചടിയാകും
തൊഴില്‍ സാധ്യത കുറയും; പാകിസ്ഥാനികള്‍ക്കും തിരിച്ചടി
NEWS UPDATE : പൊതു, സ്വകാര്യ സ്ഥാപനങ്ങളില്‍ ജീവനക്കാരെ നിയമിക്കുമ്പോള്‍ 20% വ്യത്യസ്ത രാജ്യങ്ങളില്‍ നിന്നുള്ളവര്‍ ആയിരിക്കണമെന്ന പുതിയ നിര്‍ദേശം യു.എ.ഇ തത്കാലത്തേക്ക് വേണ്ടെന്നുവച്ചതായി റിപ്പോര്‍ട്ട്. വിശദവിരങ്ങള്‍ക്ക് വായിക്കുക : ഇന്ത്യന്‍ പ്രവാസികള്‍ക്ക് കടിഞ്ഞാണിടാനുള്ള തൊഴില്‍ വീസ ചട്ടം റദ്ദാക്കി യു.എ.ഇ
സ്ഥാപനങ്ങളുടെ തൊഴില്‍ വിസയില്‍ 20 ശതമാനം വ്യത്യസ്ത രാജ്യങ്ങളില്‍ നിന്നുള്ളവര്‍ക്ക് നല്‍കണമെന്ന നിയമം കര്‍ശനമാക്കി യു.എ.ഇ. മലയാളികളുള്‍പ്പെടെയുള്ളവര്‍ക്ക് തിരിച്ചടിയാകുന്ന നീക്കമാണിതെന്നാണ് വിലയിരുത്തുന്നത്. യു.എ.ഇയിലെ നിരവധി കമ്പനികളില്‍ ഇന്ത്യക്കാര്‍ ജോലി നോക്കുന്നുണ്ട്. ഇതില്‍ തന്നെ നല്ലൊരു പങ്ക് മലയാളികളുമുണ്ട്. ഇത്തരം സ്ഥാപനങ്ങള്‍ തൊഴില്‍ വീസയ്ക്ക് അപേക്ഷിക്കുമ്പോള്‍ ഇനി 20 ശതമാനം മറ്റ് രാജ്യങ്ങളില്‍ നിന്നുള്ളവര്‍ക്കായും മാറ്റിവയ്ക്കണം.
വീസ പുതുക്കലിനെ ബാധിക്കും