സ്വര്‍ണവില ഇന്നും കുറഞ്ഞു

അക്ഷയ തൃതീയയ്ക്ക് ശേഷവും സ്വര്‍ണവിലയില്‍ ഇടിവ്. ശനിയാഴ്ച അക്ഷയ തൃതീയ ദിനത്തില്‍ ഒരു പവന്‍ സ്വര്‍ണത്തിന് 240 രൂപ കുറഞ്ഞിരുന്നു. ഇന്ന് വീണ്ടും ഒരു പവന്‍ 22 കാരറ്റ് സ്വര്‍ണത്തിന് 80 രൂപ കുറഞ്ഞു. ഒരു പവന്‍ സ്വര്‍ണത്തിന്റെ ഇന്നത്തെ വില 44,600 രൂപയാണ്.

ഒരു ഗ്രാം സ്വര്‍ണത്തിന്റെ വില 10 രൂപ കുറഞ്ഞ് 5565 രൂപയായി. ഒരു ഗ്രാം 18 കാരറ്റ് സ്വര്‍ണത്തിന്റെ വില 10 രൂപ കുറഞ്ഞു. വിപണി വില 4625 രൂപയാണ്.

വെള്ളി വില

സംസ്ഥാനത്ത് വെള്ളിയുടെ വിലയും കുറഞ്ഞു. ഒരു ഗ്രാം സാധാരണ വെള്ളിയുടെ വില ഒരു രൂപ കുറഞ്ഞ് 80 രൂപയായി. അതേസമയം ഗ്രാം ഹാള്‍മാര്‍ക്ക് വെള്ളിയുടെ വിപണി വിലയില്‍ മാറ്റമില്ല. ഒരു ഗ്രാമിന് 103 രൂപയാണ്.